Аляксандр Кулінковіч у Фэйсбуку назваў свае паводзіны на канцэрце 10 красавіка «жорсткім порна». Ён перапрасіў гледачоў.
«Прабачце ўсе, хто можа дараваць. Тое, што было ўчора, называецца жорсткім порна. Нельга ўсё рабіць аднаму. Гэта я апраўдваюся. Хоць мне няма прабачэння. Магчыма, Юра скажа мне, як было даўно, у Маскве «Я з табой да канца». А можа ўжо і не скажа. Астатнім Дзюбелям мне сорамна тэлефанаваць, і я не ведаю, што ім сказаць. Мае музыкі вялі сябе як героі, а я як быдла. Скачам на маіх костках. Дохлы леў», — напісаў Аляксандр Кулінковіч.
Канцэрт гурту прайшоў 10 красавіка ў мінскім клубе «Рэпаблік». Там музыкі прэзентавалі свой новы альбом «На Марс». Аляксандр Кулінковіч перабраў з алкаголем. У выніку ў першым аддзяленні, калі гучалі новыя песні, саліст забываў іх словы песень, спяваў са шпаргалкі. Тлумачыў, што «не паспеў пакуль вывучыць усе тэксты». А пасля антракту Кулінковіч зусім не змог спяваць. Старыя хіты групы спявала зала, а канцэрт выцягвалі астатнія ўдзельнікі групы.
Праўда, фанаты ўсё яму даруюць. Калі падчас прэзентацыі Кулінковіч сышоў з мікрафонам на танцпол і спяваў адтуль, назад на сцэну спевака прынеслі на руках.
«Як мінімум 2—3 новыя хіты ў альбоме «На Марс!» ёсць. Асабліва агнявой падаецца песня з прыпевам пра «Такіх як я не пускаюць у метро», — адзначае карэспандэнт Еўрарадыё.
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
Каментары