Свет33

Адна з дзяржаў рыхтуецца да першай у свеце планаванай міграцыі ўсёй нацыі

Тысячы жыхароў Тувалу, невялікай астраўной дзяржавы ў Ціхім акіяне, падалі заяўкі на спецыяльную міграцыйную візу ў Аўстралію з-за пагрозы знікнення сваёй краіны, выкліканай змяненнем клімату, піша выданне Live Science.

Адзін з астравоў Тувалу. Фота: Carolyn Van Houten/The Washington Post via Getty Images

З 2025 года ў межах дамоўленасці пад назвай Falepili Union жыхары Тувалу атрымалі магчымасць пераехаць у Аўстралію, дзе могуць жыць, працаваць і вучыцца, маючы роўны доступ да медыцынскай дапамогі і адукацыі з грамадзянамі гэтай краіны. Міграцыя праводзіцца праз латарэю: штогод магчымасць пераехаць атрымліваюць 280 чалавек.

Падаваць заяўкі можна было з 16 чэрвеня па 18 ліпеня, і за гэты час было атрымана больш за 5 000 заяў, што складае амаль палову насельніцтва Тувалу (прыкладна 11 000 чалавек). 3125 чалавек зарэгістраваліся за першыя чатыры дні.

Тувалу — гэта дзевяць нізінных атолаў паміж Аўстраліяй і Гавайскімі астравамі. Сярэдняя іх вышыня над узроўнем мора — усяго 2 метры, а максімальная — 4,5 метры. Узровень мора вакол Тувалу ўжо падняўся на 15 см за апошнія 30 гадоў. Паводле прагнозаў, да 2050 года большая частка тэрыторыі краіны будзе затопленая падчас прыліву.

Асноўныя праблемы, з якімі сутыкаюцца грамадзяне Тувалу ўжо цяпер:

  • Падтапленне зямель і інфраструктуры;
  • Засоленасць глебы і вады (салёная вада праточваецца ў прэсныя падземныя воды);
  • Жыхары мусяць падымаць агародныя градкі над зямлёй, каб вырошчваць ураджай без пашкоджання соллю.

Праграма Falepili Union мае на мэце забяспечыць для грамадзян Тувалу «перасяленне з годнасцю», без крызіснага высялення або статусу ўцекачоў. Нават пасля перасялення людзі могуць вяртацца дадому, калі пажадаюць.

Праграму разглядаюць як глабальны прэцэдэнт, які звязвае міграцыю непасрэдна з наступствамі кліматычных змяненняў.

У будучыні падобныя дамоўленасці могуць быць заключаныя і з іншымі дзяржавамі Ціхага акіяна, напрыклад, з Кірыбаці.

Паводле ацэнак, калі цяперашняя тэндэнцыя захаваецца, то за 10 гадоў каля 40% насельніцтва Тувалу можа выехаць з краіны. Каб дзяржаве пазбегнуць страты кваліфікаваных кадраў і адпаведна эканамічнага спаду, колькасць выдаваных віз пакуль абмежаваная.

Каментары3

  • Брахня з тым затапленнем
    26.07.2025
    Эмігруюць у Аўстралію па лепшае жыццё.
  • Net Zero
    27.07.2025
    Цікава. Толькі чамусьці спадарожнікавыя здымкі паказваюць адваротнае - плошча астравоў толькі павялічылася ў параўнанні з 1980-мі. Але паколькі гэта не ўпісваецца ў ідэалогію змены клімату, у навінах пра гэта не напішуць.
  • Тссссс!
    27.07.2025
    Net Zero, не палі кантору, а то ім візы не дадуць...

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць