Пра гэта заявіў пастаянны прадстаўнік Беларусі пры ААН у Жэневе Міхаіл Хвастоў, выступаючы 4 мая ў Радзе ААН па правах чалавека ў межах праходжання Беларуссю другога ўніверсальнага перыядычнага агляду.
«Мы не прызнаем мандат спецдакладчыка, — падкрэсліў Хвастоў. — Мандат не ўзгоднены з урадам краіны, быў прыняты паспешна і без кансэнсусу».
Паводле слоў дыпламата, Беларусь і далей будзе пераконваць партнёраў па Радзе ААН па правах чалавека ў неабходнасці адмены мандата спецдакладчыка.
Нагадаем, рашэнне аб увядзенні мандата спецыяльнага дакладчыка па Беларусі было прынятае Радай ААН па правах чалавека ў ліпені 2012 года ў сувязі са шматлікімі фактамі парушэння правоў чалавека. У адказ афіцыйны Мінск заявіў, што не прызнае мандат спецдакладчыка і не будзе з ім узаемадзейнічаць. 28 верасня 2012 года на 21-й сесіі рады ў Жэневе спецыяльным дакладчыкам быў прызначаны Міклаш Харашці. 28 чэрвеня 2014 года мандат спецдакладчыка быў працягнуты на год.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)