Грамадства111111

Публіцыст Аляксей Дзермант прапануе нацыяналізаваць tut.by

З жорсткай крытыкай папулярнага партала tut.by выступіў галоўны рэдактар сайта імхаклаб.бай, публіцыст Аляксей Дзермант. Яго абурыў той факт, што сайт даў інфармацыю пра тое, што ў інтэрнэце пачаўся збор подпісаў супраць «безпакаранасці міліцыі».

«Свядомае кола» спрабуе пераходзіць у наступ, — піша Аляксей Дзермант. — Там цудоўна разумеюць, што падрыў аўтарытэту МУС — першачарговая задача для змены ўлады, цяпер яны інфармацыйна атакуюць амаль усіх знакавых чыноўнікаў, асабліва міністра. Не могуць прабачыць жорсткіх мер у дачыненні да наркагандляроў і футбольных фанатаў, дый гістарычная форма міліцыі падчас параду, на іх падзейнічала як на вупыроў [маецца на ўвазе форма НКВД, у якой міністр Шуневіч прымаў парад — «НН»]. Асабіста маё меркаванне, Шуневіч — адзін з найлепшых міністраў унутраных справаў за ўвесь час існавання незалежнай Беларусі. PS. Хіба яшчэ не відавочна за каго «заўзее» тутбайчык?»

У каментарах да паста Дзермант піша, што ў інтэрнэце незалежныя медыі сталі больш папулярнымі за дзяржаўныя. «У іх з’яўляецца інфармацыйная перавага ў інтэрнэце. Той жа tut.by даўно пара нацыяналізаваць, ці хаця б памяняць усю палітрэдакцыю».

Пазней Дзермант прапаноўвае перадаць tut.by пад ягонае кіраўніцтва, хоць і робіць гэта са смайлікам, аднак у наступным каментары разважае, як бы арганізаваў працу калектыву.

«Цяпер медыя-асяроддзе ў інтэрнэце вельмі шчыльнае, прабіцца практычна немагчыма. Патрэбен альбо адмінрэсурс, альбо знешняе інвеставанне. Альбо проста адціскаць, але зноў жа з дапамогай адмінрэсурсу», — піша публіцыст.

Аляксей Дзермант на сённяшні дзень рэдагуе малапапулярны прарасійскі сайт «Імхаклаб». Месячная аўдыторыя старонкі складае ад 30 да 40 тысяч IP-адрасоў. Раней Дзермант быў ідэолагам балцкага руху ў Беларусі, адстойваў крайне правыя, антыкамуністычныя погляды, выдаваў часопісы «Druvis» і «Сівер», аднак цягам апошніх гадоў цалкам пераарыентаваўся ў бок Масквы. Дзерманта актыўна клічуць на ўдзел у перадачах на дзяржаўных тэлеканалах Беларусі.

Tut.by — самы папулярны навінавы рэсурс Беларусі. Яго месячная аўдыторыя складае звыш 30 мільёнаў IP-адрасоў.

Каментары111

Цяпер чытаюць

Памёр Папа Францішак10

Памёр Папа Францішак

Усе навіны →
Усе навіны

Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа34

«Мы фарбавалі яйкі толькі ноччу». Яшчэ ў сярэдзіне мінулага стагоддзя Вялікдзень у Беларусі святкавалі інакш6

Fox News паказаў велікодную службу ў Кіеве з подпісам «Кіеў, Расія»13

Сеул не будзе супраціўляцца амерыканскім тарыфам праз «гістарычны доўг» Карэі перад ЗША

Медыцынскі турызм у Беларусі за 2024 год вырас амаль на 20%. Адкуль едуць і якія паслугі ў топе?2

Трагедыя ў Фаніпалі: адзін загінуў, чацвёра шпіталізаваныя з пажару ў шматпавярховіку1

Новыя дзіцячыя сады і паліклініка: што пабудуюць у Першамайскім раёне3

У Купалаўскім ужо пяць гадоў не могуць знайсці акцёраў. Што прыдумалі гэтым разам4

«Арганізавалі ў камеры выставу дзіцячых малюнкаў». Як бабулі перажываць расставанне з унукамі ў турме6

больш чытаных навін
больш лайканых навін

Памёр Папа Францішак10

Памёр Папа Францішак

Галоўнае
Усе навіны →

Заўвага:

 

 

 

 

Закрыць Паведаміць