Спявак Анатоль Ярмоленка святкуе 70-годдзе. У сувязі з гэтым ён даў юбілейнае інтэрв’ю«Советской Белоруссіі», дзе расказаў пра лёс дачкі Алесі і перспектывы ўнука, дыджэя Анатоля.
«— [Унук] Анатоль ўжо вучыцца на трэцім курсе каледжа мастацтваў. Некалькі гадоў таму Алеся па сямейных абставінах з мужам паехала ў Аўстрыю, узяла з сабой сына, і яго прынялі ў Венскую кансерваторыю як піяніста. Яму было тады 13 гадоў. Ён адвучыўся год на падрыхтоўчым аддзяленні, яго бралі і на другі. Але ў мужа Алесі да таго часу скончыўся тэрмін кантракту, і ім трэба было ад'язджаць у Мінск. Пры гэтым у нас былі думкі пакінуць яго там і працягнуць вучобу, праўда, трэба было сур'ёзна брацца за нямецкую. Але Анатоль біў сябе ў грудзі: хачу на радзіму! Тут ён паступіў у каледж, у яго вельмі добрыя педагогі. Я задаволены. Дарэчы, нядаўна ён паспяхова прайшоў на адзін праект у Маскве, па ўмовах кантракту, на жаль, больш вам сказаць нічога не магу.
— А Алеся? Яе сыход са сцэны на піку папулярнасці быў вельмі нечаканым. Яна вернецца на сцэну?
— Яна вельмі сумуе па ёй. Але справа ў тым, што Алеся мала ўдзельнічала ў выхаванні Анатоля, таму што стала гастралявала. І ў гэты раз яна сказала: я павінна паставіць другое дзіця на ногі, а потым буду думаць пра кар'еру. Яна ж сама, па сутнасці, таксама была абдзелена бацькоўскай увагай. Яе выхоўвалі бабулі, а яна пісала нам запісачкі, каб мы хутчэй вярталіся. Гэта значыць, яна ведае, як дзеці хочуць быць побач з мамамі, таму пакуль і прысвячае сябе дзіцяці. Але на ўсіх знакавых мерапрыемствах «Сяброў» яна выступае ўжо цяпер.
Ёсць і яшчэ адзін момант. Гэта вяртаючыся да тэмы зайздрасці. У нас прасцей быць сынам ці дачкой простага чалавека, чым таго, хто на ўвазе. Пастаянна даводзіцца чуць у спіну: дык яна ж дачка Ярмоленка. Але ж Алеся сваёй творчасцю даказала, што яна сама яркая творчая артыстка. Зараз на гэтым шляху Анатоль. Хоць мае дзеці і ўнукі заўсёды ўсё робяць самі, я супраць таго, каб цягнуць іх за вушы. Сын увесь час працаваў у нас у ансамблі, займаўся гуказапісам, цяпер таксама патроху спявае. Сам захацеў.
Чытайце таксама:
Ярмоленка: «Можа, унучка проста ўдала выйдзе замуж. Для дзяўчыны жаночае шчасце важней за кар'еру»
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары