«Героі года — 2017»: беларускамоўны канцэрт і новая генерацыя слухачоў ФОТАРЭПАРТАЖ Сяргея Гудзіліна
12 снежня ў мінскім клубе «Мача» (экс-«Журавінка») прайшло ўручэнне музычнай прэміі «Героі года» ад партала TuzinFM. У стракатай атмасферы сталічнага глэму Максім Жбанкоў запрасіў публіку бліжэй да сцэны і пачаўся гук. Па чарзе на сцэну выйшлі гурты Re1ikt, Akute і Nizkiz. Ніжэй — атмасферныя здымкі фатографа «НН» пра тое, што яшчэ 10 гадоў таму беларускамоўную музыку мы слухалі крыху ў іншых умовах (калі не згодныя — го ў каменты). Спіс пераможцаў прэміі — у канцы артыкула пад фотаздымкамі.
Пераможцамі Герояў года — 2017 у пяці намінацыях сталі:
Выбар рэдакцыі TuzinFM:
Героі года - TonqiXod
Выбар наведнікаў партала:
Альбом года - Akute «Płastyka»
Песня года - Nizkiz «Небясьпечна»
Кліп года - Re1ikt «Хадзіла галота»
Адкрыццё года - Праект «MIKITA»
«Адкрыццё года» па версіі TuzinFM называецца з 2007 года. Тады ім стаў рок-праект Пятра Ялфімава — PitBull, у 2008 — Tlusta Lusta, пасля — The Toobes (2009), Akute (2010), Паліна Рэспубліка (2011), «Людзі на балоце» (2012). Узнагароду на прэміі «Героі года» атрымлівалі: Hurma (2013), Leibonik (2014), Pauline (2015), Intelligency (2016).
Фоты Сяргея Гудзіліна
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
