Мінская мастачка Таццяна Карваш, якая працуе з нейрасеткавымі тэхналогіямі, стварыла анімацыйны ролік, дзе героі знакамітага мультфільма «Сімпсаны» гуляюць па Брэсце, піша BG.Media.
У відэа можна ўбачыць Брэсцкую крэпасць, кавярню Paragraph, набярэжную і іншыя вядомыя брэсцкія мясціны. Гэта працяг папярэдняга роліка мастачкі пра Мінск, дзе ў фінале героі сядалі на цягнік «Мінск — Брэст».
Відэа стала вірусным і выклікала розныя водгукі: ад захаплення да абурэння. Адна частка гледачоў была ў захапленні ад свежай ідэі, яскравасці роліка і настальгіі па «Сімпсанах». Людзям спадабалася, як знаёмыя месцы выглядаюць праз прызму поп-культуры.
Аднак былі і тыя, хто раскрытыкаваў ролік. Некаторым не спадабалася, што заходнія персанажы, маўляў, «не падыходзяць» да брэсцкага кантэксту. Хтосьці палічыў, што гэта «псаванне культурнай прасторы» ці нават «кашчунства». З’явіліся меркаванні, што лепш было б выкарыстаць савецкіх персанажаў, напрыклад, герояў з «Ну, пачакай!» ці «Вожыка ў тумане». Некаторыя пабачылі ў роліку камерцыйны падтэкст і рэкламу кавярні.
Тым не менш, нягледзячы на крытыку, пазітыўных водгукаў было больш. Гледачам у цэлым спадабаліся якасць анімацыі, увага да дэталяў і арыгінальны падыход да паказу горада праз знаёмыя культурныя вобразы. Асабліва ацанілі ролік прыхільнікі «Сімпсанаў» і тыя, хто цікавіцца ШІ-кантэнтам.
Гэтых прафесій не заменіць штучны інтэлект. Беларусы могуць лёгка атрымаць такую адукацыю ў Еўропе
Ілан Маск заявіў, што штучны інтэлект ужо сёння разумнейшы за большасць людзей
Кампаніі, якія спадзяваліся зэканоміць на ШІ, цяпер выдаткоўваюць значныя грошы на выпраўленні
Заснаваны беларусам стартап выпусціў ШІ-браўзер
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю9
Каментары