Украінскі ўхіліст ад войска расказаў, як з ім абыходзіліся гомельскія памежнікі
Чарговы ўкраінскі ўхіліст ад войска, які ўцёк у Еўрасаюз праз Беларусь, расказаў пра свой досвед. Відэа ён размясціў 21 ліпеня на сваім канале, а апісаныя падзеі, верагодна, адбыліся на мінулым тыдні, у сярэдзіне ліпеня, заўважыў «Флагшток».
Як вядома, адзін з маршрутаў ухілістаў пралягае праз Гомельскую вобласць. Са слоў мужчыны, ён заплаціў украінскім праваднікам, «таму што трэба было тэрмінова».
Адносна таго, ці замініраваная тэрыторыя, ухіліст сказаў, што «ў самым канцы дарогі быў невялікі ўчастак, і ён агароджаны»:
«Там былі супрацьтанкавыя міны. Дастаткова было абысці 200 метраў. Супрацьпяхотных мін не было».
Сустрэчу з вайскоўцамі Гомельскай пагрангрупы ўкраінец апісаў так:
«Няма такога, што перайшлі мяжу, і адразу памежнікі. Мы чакалі дзесьці тры гадзіны. Некалькі разоў набіралі, яны не ехалі. Але потым сустрэлі, усё нармальна. Стаўленне было максімальна нейтральнае. Накармілі, напаілі, не больш за тое. Ніхто рукі не ціснуў, але ніхто і не здзекаваўся».
Паводле наяўнай практыкі, украінскіх ухілістаў пасля праверкі і аплаты штрафу за незаконнае перасячэнне мяжы не дэпартуюць з Беларусі назад, а аказваюць паслугі па транспартаванні да мяжы з Польшчай.
Ухілістаў утрымліваюць у Гомельскім ізалятары, чакаючы, пакуль збярэцца група, каб запоўніць аўтобус і даставіць да заходняй мяжы. За гэтую паслугу пагранведамства таксама бярэ грошы, як расказвалі раней іншыя перабежчыкі.
Цяперашні нелегальны мігрант адзначыў, што ён прыйшоў у Беларусь у чацвер, а на мяжу яго разам з іншымі ўхілістамі адвезлі ў аўторак:
«Давялося сядзець чатыры дні ў ізалятары. Там вельмі х***. Як турма строгага рэжыму: маленькая камера 4 на 3 метры ці яшчэ менш».
Са слоў мужчыны, усе гэтыя чатыры дні яго і іншых ухілістаў «каталі па розных інстанцыях»:
«Допыты, адбіткі пальцаў, але нічога сур'ёзнага. З непрыемнага: забіраюць тэлефоны. Іх правяраюць, але ў нас былі пустыя тэлефоны».
Украінцу не спадабалася, як групу з прыкладна 20 чалавек сустрэлі польскія памежнікі:
«Задавалі кучу пытанняў непатрэбных, тыпу здраднікі, не здраднікі. Мучылі нас гадзіну, не хацелі прапускаць».
Паводле звестак ухіліста, беларускія памежнікі чакаюць, пакуль палякі прапусцяць групу, а калі не, то вязуць да літоўскай мяжы:
«Але звычайна палякі хоць і абураюцца, але ў выніку прапускаюць».
Перабежчыку з Украіны, які перадаў з Гомеля «пасланне Зяленскаму», на радзіме завочна далі 10 гадоў
На вайне ва Украіне загінуў расійскі актывіст, які быў супраць вайны і заклікаў не ісці на яе
Больш за 20 тысяч расійскіх вайскоўцаў судзілі за адмову ваяваць супраць Украіны
Час для вялікага наступу Расіі: якімі могуць быць «апошнія 50 дзён вайны»
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
Ці цана дагаварная?
Гэта ж таксама дзейнасць у кантэксце "не-да-законаў"..