Афіша

У Мінску пакажуць «Аповесць пра Трышчана» — беларускі спектакль XVI стагоддзя

Нацыянальны цэнтр мастацкай творчасці дзяцей і моладзі (Кірава, 16) 30 і 31 сакавіка, 2 і 4 красавіка. Сеансы: 11:00, 13:00, 15:00.

Гурт сярэднявечнай музыкі «Стары Ольса» прэзентуе батлеечны спектакль. Ён грунтуецца на «Аповесці пра Трышчана» — беларускім варыянце легенды пра рыцара Трыстана і каралеву Ізольду. 

«Аповесць пра Трышчана» — найбольш поўны і ўнікальны славянскі варыянт літаратурнай апрацоўкі славутай кельцкай легенды, перакладзены на беларускую ў свецкім асяроддзі ў другой палове XVI стагоддзя з сербскай крыніцы. Ён вылучаецца творчым падыходам да тэксту і багаццем беларускай літаратурнай мовы таго часу.

Батлейка — народны лялечны тэатр. Зараджэнне яго ў Беларусі адносіцца да канца XVI — першай паловы XVII ст. Арганізатарамі відовішчаў спачатку былі манахі каталіцкіх ордэнаў, вучні калегіумаў, але хутка батлейку перанялі мяшчане і сяляне, тэатр стаў народным.

Адметнасць батлейкі, якую прэзентуе «Стары Ольса», — жывое музычнае суправаджэнне ўсяго спектакля на старадаўніх інструментах. 

У якасці тэатральнай скрыні выкарыстана старая шафа 1930-х, аздобленая барочнымі элементамі.

Прэм’ерныя паказы адбудуцца ў час вясновых школьных канікул. Спектакль разлічаны на малодшых і старэйшых школьнікаў, іх бацькоў і ўсіх цікаўных да старадаўняй культуры.

Квіткі каштуюць 12-15 рублёў, іх можна купіць анлайн.

Інфалінія: (44) 551-77-06, (29) 851-77-06 

Падзея Укантакце.
Падзея ў Facebook.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі: Прыехаў бы і паціснуў Трампу руку18

Ціханоўскі: Прыехаў бы і паціснуў Трампу руку

Усе навіны →
Усе навіны

62-гадовую намесніцу дырэктара мінскай гімназіі адправілі ў калонію за палітыку12

Злучаныя Штаты могуць скараціць колькасць сваіх войскаў у Еўропе на 30%3

Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній3

Настаяцель манастыра Шаалінь трапіў пад следства па падазрэнні ў растратах і амаральным ладзе жыцця4

У Рэчыцкім раёне ад удару токам загінулі двое мужчын

Цэны на шакалад здзіўляюць13

Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага30

Музыканты выдаляюць сваю музыку са Spotify, бо ён спансаруе кампанію, якая вырабляе тысячы дронаў для Украіны26

«Гэта своеасаблівае партнёрства». Трамп заключыў здзелку, па якой краіны Еўропы абавязаны плаціць тарыф 15%8

больш чытаных навін
больш лайканых навін

Ціханоўскі: Прыехаў бы і паціснуў Трампу руку18

Ціханоўскі: Прыехаў бы і паціснуў Трампу руку

Галоўнае
Усе навіны →

Заўвага:

 

 

 

 

Закрыць Паведаміць