• Навіны
  • Вайна
  • Эканоміка
  • Грамадства
  • Усяго патроху
  • Культура
бел / рус
  • Эканоміка
  • Грамадства
  • Здарэнні
  • Свет
  • Спорт
  • Аўто
  • Меркаванні
  • Ад рэдакцыі
  • Вайна
Грамадства
Фота 4 з 4

Вячаслаў Барок. 

09.01.2021 / 15:38

Філосаф Пётра Рудкоўскі аналізуе справы ў Касцёле: Кандрусевіч сыходзіць з пасады, але яго ўплыў і аўтарытэт застаюцца

Палітычны крызіс у Беларусі выразна адбіўся ў тым ліку на Каталіцкім касцёле. Святары і іерархі актыўна выступілі супраць жорсткасці сілавікоў, фальсіфікацыі выбараў, маліліся за параненых і загінулых, пасля чаго зазналі сапраўдны пераслед. Мітрапаліта Мінска-Магілёўскага, арцыбіскупа Тадэвуша Кандрусевіча, які ў жніўні адправіўся з працоўным візітам у Польшчу, чатыры месяцы не ўпускалі ў Беларусь, а некаторыя святары апынуліся за кратамі.

У выніку пры намаганнях папы Францішка Кандрусевіч перад Калядамі у Беларусь вярнуўся, але 3 студзеня стала вядома, што ў сувязі з дасягненнем 75-гадовага ўзросту арцыпастыр адпраўлены папам ў адстаўку.

У размове з «Нашай Нівай» дырэктар недзяржаўнага Беларускага інстытута стратэгічных даследаванняў, філосаф Пётра Рудкоўскі падсумаваў мінулы год у жыцці беларускага Касцёла, прызнаў, што Ватыкан пайшоў на кампраміс з беларускай уладай, і распавёў, што згубілі каталікі з адстаўкай Кандрусевіча.

Пётра Рудкоўскі. 

— Сітуацыя склалася так, што летась паміж дзяржавай і і Каталіцкім касцёлам паўстала канфрантацыя. Зараз яна перайшла ў фазу, у якой няма дынамікі. На працягу амаль 30 гадоў быў больш-менш мірны сімбіёз паміж Касцёлам і дзяржавай, але апошнія чатыры месяцы адбываецца халодная вайна.

— Але ўлада і раней неадназначна ставілася да Каталіцкай царквы. Святарам і манахам не працягвалі працоўныя візы ў Беларусі, а ксёндз Уладзіслаў Лазар калісьці нават сядзеў за кратамі па абвінавачванні ў шпіянажы…

— Увесь час былі праблемы з будаўніцтвам касцёлаў і служэннем замежных святароў у Беларусі. Быў і спецыфічны выпадак, звязаны з прыгаданым вамі ксяндзом Лазарам. Але гэта кропкавыя, лакальныя і кароткачасовыя канфлікты, якія не мелі сістэмнага характару, не закраналі з аднаго боку ўсю інстытуцыю Каталіцкага касцёла, а з другога — інстытуцыю рэжыму. А тое, што адбылося пасля жніўня 2020 года, займела сістэмны характар.

— Тадэвуш Кандрусевіч пасля прэзідэнцкіх выбараў у сваіх выступах кіраваўся зразумелымі максімамі, якія прапісаныя ў Бібліі. Ён выступаў супраць гвалту, супраць ілжы і нічога катэгарычнага канкрэтна супраць Лукашэнкі не заяўляў. Што яго так раз’юшыла і прымусіла Кандрусевіча не ўпускаць у Беларусь?

— Тадэвуш Кандрусевіч — гэта даволі асцярожная і дыпламатычная асоба. Ён ніколі — ні падчас служэння ў Расіі да 2007 года, ні пазней у Беларусі — не дазваляў сабе рэзкіх выказванняў. Сам памятаю, як насцярожана ён рэагаваў, калі той ці іншы святар публічна выступаў на палітычныя тэмы. Арцыбіскуп аддаваў перавагу асцярожным і тактоўным дзеянням, але гэта ўсё роўна мела свае межы. Пасля таго, што адбылося ў жніўні, пасля катаванняў, якія мелі месца ў следчых ізалятарах, прайсці міма і зрабіць выгляд, што нічога не адбываецца, Кандрусевіч, пры ўсёй сваёй асцярожнасці, не мог. Аднак ён усё роўна заставаўся адносна стрыманым у сваіх выказваннях. Толькі заяўляў пра спыненне гвалту, заклікаючы аб неабходнасці дыялогу і, пры магчымасці, да прабачэння.

Тадэвуш Кандрусевіч, фота Надзеі Бужан.

Але асаблівым чынам на Лукашэнку паўздзейнічалі вельмі вымоўныя жэсты Кандрусевіча. Па-першае, мітрапаліт даволі настойліва папрасіў аб сустрэчы з тагачасным міністрам унутраных спраў Юрыем Караевым, на якой абмяркоўвалася тэма катаванняў, а па-другое, арцыбіскуп у жніўні затрымаўся на малітву каля СІЗА на Валадарцы. Лукашэнка, відаць, успрыняў гэта як жэсты выразнай апазіцыі. Магчыма, магло паўплываць на рашэнне ўладаў і інтэрв’ю іерарха для польскага тэлебачання. Яно было прысвечана праблемам Захаду, але Кандрусевіч у ім таксама смела заявіў: шмат указвае на тое, што выбары ў Беларусі не былі сумленнымі і беларускае грамадства саспела да перамен. І цалкам магчыма, што гэты момант стаў апошняй кропляй для Лукашэнкі і ягонага атачэння.

— Ці выклікала ў вас здзіўленне забарона на ўезд Кандрусевіча ў Беларусь?

— Так, гэта нясправядлівы і нелегальны акт, які нічога, акрамя абурэння, выклікаць не можа. І калі нават паглядзець на гэтае дзеянне з боку рэжыму, то яно прынесла шмат іміджавай і ўсялякай іншай шкоды для ўсёй сістэмы. Раней гучала, што Кандрусевіч нібыта мае несапраўдны пашпарт, заняўся палітыкай, звяржэннем рэжыму, атрымліваў інструкцыі, як разбураць дзяржаву, а цяпер аказваецца, што, нягледзячы на ўсё гэта, яго можна ўпусціць у краіну. Атрымліваецца, што гэтыя заявы, зробленыя восенню, былі проста высмактаныя з пальца.

Лукашэнка славіцца сваімі супярэчлівымі выказваннямі, але падобны тып заяў яшчэ больш ударыў па іміджы. Зразумела, пра імідж на Захадзе ўлада ўжо не клапоціцца, але пакуль негалоснае ўспрыманне такіх рашэнняў сярод расіянаў, сілавой эліты ў будучыні таксама можа мець наступствы. Тут страты ад самага пачатку. Калі б Кандрусевіч знаходзіўся ў Беларусі, з ім можна было б змагацца з дапамогай контраргументаў, праз нефармальную альбо фармальную сустрэчу паспрабаваць схіліць да таго, каб ён не выказваўся на грамадска-палітычныя тэмы. Праўда, не факт, што гэта б спрацавала. Пры ўсёй асцярожнасці Кандрусевіч застаецца прынцыповым і дасведчаным чалавекам. Тым не менш можна было б знайсці варыянты, якія прынеслі б менш стратаў для рэжыму, але дзяржава абрала проста тупую і лінейную канфрантацыю.

— Ці хаваецца за спрэчкамі з Касцёлам, прадстаўніком заходняй цывілізацыі, непрыхаваны канфлікт Лукашэнкі з Захадам?

— Не, падобнае адсутнічае. Касцёл патэнцыйна быў і застаецца для ўлады магчымым саюзнікам за традыцыйныя каштоўнасці ў процідзеянні секулярызацыйным і эмансіпацыйным трэндам Захаду. Кандрусевіч вядомы тым, што крытычна ставіцца да падобных з’яў. Іншая справа, што некаторыя ў Беларусі дагэтуль асацыююць Касцёл з польскасцю. І, маўляў, калі б’ём па каталіцтве, то б’ём і па Польшчы. А Польшча, як вядома, заняла вострую пазіцыю ў дачыненні рэжыму.

— Адчулі, што пасля гісторыі з Кандрусевічам дзяржава пачала аказваць сапраўдны ціск на Касцёл?

— Так, раз-пораз узнікалі праблемы з электрычнасцю ў Чырвоным касцёле, пазней некаторыя святары трапілі на суткі, у пракуратуру выклікалі біскупа Юрыя Касабуцкага, які пры адсутнасці Кандрусевіча кіраваў Мінска-Магілёўскай архідыяцэзіяй… Гэта няпоўны пералік выпадкаў без уліку вельмі вострых і ачарняльных палітычных выказванняў з боку Касцёла. Дагэтуль ніколі падобнага не было. Беларускі каталіцкі Касцёл апынуўся ў новай сітуацыі, у якой выглядае даволі паспяхова. Касцёл стаўся знакам супраціву ў добрым сэнсе гэтага слова. Супраціву ў імя пэўных каштоўнасцей.

Юрый Касабуцкі. 

— Касабуцкі праявіў сябе як палымяны аратар, які не баіцца выказваць свой пункт гледжання. Ягоная актыўнасць стала для вас адкрыццём?

— Раней не ведаў Касабуцкага як публічную асобу. У ролі opinion maker, маральнага аўтарытэта і прынцыповага іерарха, як і астатнія, назіраю яго толькі на працягу апошніх месяцаў. Склалася ўражанне, што гаворыць ён сваім голасам, не спрабуе яго ўпакоўваць у нейкія дыпламатычныя формы і не бачыць магчымасці асабліва займацца дыпламатыяй. Яго выказванні аб тым, што ў Беларусі мае месца пераслед Касцёла, былі вельмі вострымі.

— Напрыканцы лістапада Касабуцкі заявіў, што нібыта гатовы да завядзення ў дачыненні сябе крымінальнай справы. Верылі ў тое, што сістэма магла пакараць ажно двух беларускіх біскупаў?

— Падобнае я дапускаў. Гэты рэжым настолькі дзейнічае лінейна, што нават не лічыцца са сваёй выгадай і стратамі. Аднак выклік Касабуцкага ў пракуратуру — гэта таксама форма пакарання і моцнага псіхалагічнага прэсінгу. Безумоўна, гэта нельга параўнаць са зняволеннем, але і для Касабуцкага, і для былога прэс-сакратара БПЦ Сяргея Лепіна, які таксама асудзіў знішчэнне мемарыяла Рамана Бандарэнкі, гэта беспрэцэдэнтны крок.

— Нягледзячы на ціск на наш Касцёл, папа рымскі публічна не выказваўся аб беларускіх падзеях. Хаця раней даволі актыўна рэагаваў на пераслед вернікаў у Афрыцы ці забойства хрысціян у Францыі. Зразумелі, чаму папа пазбягаў каментарыяў наконт Беларусі?

— Я б не параўноўваў сітуацыю ў Беларусі з тым, што здараецца ў ісламскіх краінах, дзе адбываюцца не толькі зняволенні, але і забойствы тых, хто вызнае хрысціянскую веру. У Беларусі падобнага няма.

Якую ж тактыку мог абраць Ватыкан у гэтай сітуацыі? Варыянт першы: пайсці на публічную канфрантацыю з беларускай уладай, пачаць крытыкаваць рэжым па маральных і рэлігійных прычынах і прадэманстраваць сваю прынцыповасць. Але ў такім выпадку, відаць, амаль прыйшлося б развітацца з перспектывай у найбліжэйшы час вырашыць пэўныя канфліктныя моманты з вяртаннем Кандрусевіча. Акрамя таго, пераслед вернікаў мог бы ўзмацніцца.

Варыянт другі: адсутнасць публічных заяў і шлях перамоў з беларускай уладай, каб паспрабаваць дамагчыся прыезду арцыбіскупа ў Беларусь. У выніку другая тактыка і была прынята. Як бачым, яна аказалася паспяховай, хоць тут могуць быць пэўныя агаворкі.

— Некаторыя задаюцца пытаннем, чаму вырашаць справу Кандрусевіча актыўна пачалі толькі ў снежні, калі ў Мінск прыляцеў былы нунцый у Беларусі Клаўдзіа Гуджэроці, што зараз працуе ў Вялікабрытаніі.

— Гэта ж працэс, і нельга казаць, што Беларусь — адзіная праблема для Ватыкана. Усё ж такі Касцёл прысутнічае амаль ва ўсіх краінах свету, і колькасць каталікоў у Беларусі у працэнтных суадносінах — гэта адна тысячная ад усёй папуляцыі каталікоў у свеце; у розных кутках планеты іх праблемы больш вострыя і сур’ёзныя, чым у Беларусі. Акрамя таго, Гуджэроці ўжо даўно не з’яўляецца нунцыем у Беларусі і мае агромністы набор спраў па іншай частцы. Таму, хаця б па гэтых прычынах, не выпадала чакаць, што Ватыкан усе сілы кіне на вырашэнне праблемы з Кандрусевічам.

— На вашу думку, дзякуючы чаму ўдалося скончыць гісторыю з вяртаннем арцыбіскупа паспяхова? Ці важна было для Лукашэнкі, каб сам папа Францішак звярнуўся да яго праз пасланніка з такой просьбай?

— Нельга выключаць, што такім чынам Лукашэнка вырашаў некаторыя свае псіхалагічныя пытанні. Але гэта не асноўная прычына, бо ў рэжыму ёсць нашмат больш сур’ёзныя праблемы. На маю думку, перамовамі наконт Кандрусевіча Лукашэнка хацеў даць сігнал Захаду пра тое, што з ім усё ж такі можна дамаўляцца. Ён не любіць і не хоча рабіць першым крок насустрач, каб захаваць рэпутацыю цвёрдага і нязломнага ўладара не толькі ва ўнутранай палітыцы, але і ў замежнай. Аднак калі крок па сваёй ініцыятыве робіць нехта другі, просіць аб спатканні, спрабуе ў чымсьці пераканаць, то тады ён гатовы пайсці на некаторыя саступкі. І тое, што ён пагадзіўся на іх, нягледзячы на іміджавыя страты, — гэта сігнал для заходняй супольнасці. Маўляў, прыязджайце да мяне, дасылайце сваіх паслоў і прасіце аб магчымасці пагаварыць.

Карацей кажучы, у выпадку з Кандрусевічам найбольш відавочна менавіта такая логіка. І я моцна перакананы, што Клаўдзіа Гуджэроці гэта разумеў. Ён доўгі час працаваў у нашай краіне, вельмі добра ведае беларускую сітуацыю, і гэта ватыканская дыпламатыя выкарыстала.

— У кулуарах пачуў, што папа Францішак быў вельмі незадаволены стаўленнем да Касцёла ў нашай краіне, і пры адмове ў вяртанні Кандрусевіча нібыта быў гатовы выслаць з Беларусі нунцыя Антэ Ёзіча.

— Я пра гэта не чуў, але не выключаю, што такое магло быць. Гэта падобна на стыль папы Францішка. Ён дыпламатычны чалавек да пары да часу, але папа можа паказаць настолькі суровае аблічча, што мала не пакажацца.

— Яшчэ перад вяртаннем у Мінск Кандрусевіч напісаў прашэнне аб адстаўцы, на якое меў права пасля дасягнення 75-гадовага ўзросту. У выніку папа сапраўды зацвердзіў ягонае прашэнне. Для вас гэта было чакана?

— Я дапускаў такі сцэнарый, але ўсё ж спадзяваўся, што гэтага не адбудзецца. Папа Францішак далёка не заўжды задавальняў падобныя прашэнні, і, як правіла, у краінах, дзе няма лішку святароў і іерархаў, а ў Беларусі яго няма, адстаўку не прымае. Лагічна было спадзявацца, што так здарыцца ў выпадку з Кандрусевічам. Відаць, ватыканская дыпламатыя пайшла на даволі сур'ёзны пэўны кампраміс і зрабіла рэальную саступку для беларускай улады. Але тут хацеў бы падкрэсліць, што важна перадусім тое, што адбываецца ўнутры Беларусі, сярод духавенства і беларускага епіскапату, а не тое, што па-за яе межамі.

А пазіцыя Касцёла адносна грамадскага крызісу засталася нязменнай, аб чым сведчыць тая ж пропаведзь біскупа Аляксандра Яшэўскага на Божае Нараджэнне. Маральных і духоўных саступак няма. Беларускае каталіцкае духавенства надалей з народам. І гэта больш важна, чым тое, якія крокі прадпрымаюць ватыканскія дыпламаты.

— Кандрусевіч 13 гадоў кіраваў Мінска-Магілёўскай архідыяцэзіяй. Нягледзячы на тое, што яму не падпарадкоўваліся кіраўнікі іншых нашых дыяцэзіяй, яго ўсё роўна ў масмедыя публічна называлі лідарам беларускіх каталікоў. Але ці стаў ён ім насамрэч?

— Так, у духоўным плане ён з’яўляўся лідарам. Да яго з пашанай ставяцца каталікі не толькі ў Мінску, але і ў іншых кутках краіны, ён быў папулярны ў беларускім грамадстве яшчэ задоўга да жнівеньскіх падзей у якасці важнай фігуры і аўтарытэта. Нават яшчэ да свайго вяртання ў Беларусь з Расіі ў 2007-м. Ягоная папулярнасць высокая і ўнутры Касцёла, і ў грамадстве, і на міжнароднай арэне. У Кандрусевіча поўны склад якасцяў, якія неабходныя, каб быць духоўным лідарам каталіцкай супольнасці.

Але ж пры гэтым я не хачу прымяншаць значэння другіх беларускіх біскупаў. На мой погляд, наш епіскапат складаецца з вельмі светлых, адукаваных і прынцыповых асобаў. У апошнія месяцы мы бачылі біскупа Касабуцкага. Крыху менш прыходзілася назіраць за біскупам Яшэўскім. Ён, як ужо казаў, прамовіў на Божае Нараджэнне такое моцнае казанне, што словы яго вельмі многіх узрушылі. Таксама добра ведаю біскупа Віцебскага Алега Буткевіча. З нагоды выбараў ён праявіў сябе асаблівым чынам, калі сказаў вельмі важныя словы пра тое, што выбары былі далёкімі ад сумленных і, каб пераадолець грамадска-палітычны крызіс, варта шукаць праўду.

— Як можаце ахарактарызаваць біскупа Казіміра Велікасельца, які зараз узначаліў Мінска-Магілёўскую архідыяцэзію?

— Гэта вельмі набожны, ахвярны і адданы святарскай працы чалавек. Але гэта ўсё ж, хутчэй, тып пробашча, кагосьці, хто можа паспяхова арганізаваць працу малых супольнасцей, а не кіраваць такой аграмаднай структурай, як Мінска-Магілёўская архідыяцэзія, з разбудаванай сеткай нізавых ініцыятыў, з сотнямі тысяч вернікаў, вялікі працэнт якіх — інтэлігентная моладзь з акрэсленай грамадзянскай пазіцыяй, крытычным мысленнем і запытам на інавацыйныя формы душпастырства.

Дый біскуп Велікаселец усведамляе свае абмежаванні, што было бачна па яго сціплым і пакорным, у добрым сэнсе слова, успрыняцці прызначэння. Біскуп Велікаселец — гэта тэхнічная фігура. Ён будзе адміністраваць архідыяцэзію год ці два, да таго часу, пакуль Ватыкан не знойдзе адпаведную кандыдатуру, якая будзе асэнсоўвацца з улікам далейшага развіцця падзей у Беларусі.

— Што з адстаўкай ў асобе Кандрусевіча згубіў беларускі Касцёл?

— Нічога не згубіў, паколькі і Кандрусевіча не губляў. Кандрусевіч пакідае ўсяго толькі пасаду, а не Беларусь, куды ён акурат вярнуўся. Сіла Кандрусевіча палягала не ў ягонай пасадзе, а ў яго духоўным і сацыяльным капітале. І гэты капітал застаецца з ім. Тое, ці фармальна ён займае пасаду ардынарыя архідыяцэзіі, ці не займае, тут другаснае. Гляньма: у мінулым ён доўгі час нават не быў старшынёй Канферэнцыі каталіцкіх біскупаў, то-бок фармальна з’яўляўся усяго толькі адным з мясцовых біскупаў, але ў грамадстве ўвесь час панавала перакананне, што ён — «кіраўнік Каталіцкай царквы ў Беларусі». Нешта падобнае будзе і зараз.

Кандрусевіч з пасады сыходзіць, а яго аўтарытэт — і ўплыў — застаюцца. Важна, аднак, што ён знаходзіцца менавіта ў Беларусі. Калі б застаўся за мяжой — хай сабе і фармальна ардынарыем, — яго ўплыў на беларускае грамадства паступова змяншаўся б.

— Належным чынам у няпростыя часы праявілі сябе не толькі іерархі, але і святары. Напрыклад, добра знаёмы вам ксёндз Вячаслаў Барок з Расонаў за свае перакананні адседзеў за кратамі дзесяць сутак, і чымсьці нагадаў ксяндзоў, якія ў 1980-х раскачвалі камуністычны рэжым у Польшчы. Барок заўжды быў такім актыўным ці, як і многія беларусы, раскрыўся менавіта зараз?

— Так, трапнае параўнанне. У кантэксце змагання з таталітарызмам падабенствы паміж польскім ксяндзом Ежы Папялушкам і некаторымі беларускімі святарамі выразна прасочваюцца. А што тычыцца Барка, для мяне ягоная актыўнасць нечаканасцю не стала. Ведаю яго з даўніх часоў, і я быў бы здзіўлены, калі б ён павёў сябе інакш. Гэта чалавек вельмі адважны, з моцным маральным і ідэйным хрыбтом, часам нават рэзкі ў гэтай прынцыповасці. Мы маглі бачыць у ім важнае сведчанне аб рэлігійных, духоўных і маральных каштоўнасцях у момантах, калі грамадства асабліва гэтага патрабуе. Барок быў такім і раней. Розніца толькі ў тым, што сітуацыя, грамадства і абстаноўка ў беларускім Касцёле былі іншыя.

Вячаслаў Барок. 

Памятаю, як на адным каталіцкім форуме напярэдадні выбараў 2006 года нехта задаў пытанне: «А дзе пасля выбараў будзе Касцёл, калі людзі захочуць пратэставаць супраць дыктатуры?» І хтосьці трохі цынічна, але даволі праўдзіва адказаў: «Дзе? Касцёл будзе там, дзе народ! У бульбе!» Сапраўды, грамадства тады было іншым, суадносна і Касцёл іначай сябе паводзіў на той момант.

Добра памятаю, як Касцёл не падыходзіў да абмеркавання грамадска-палітычных пытанняў, і, на думку некаторых, лепш іх было не чапаць. Калі параўноўваць з тым, што назіраем зараз, то маем справу з каласальнай розніцай. Але разгадкай гэтай загадкі сталі змены ў самім беларускім грамадстве. Яно, паўтаруся, сур’ёзна змянілася, і Касцёл, які непасрэдна працуе з самім народам, таксама змяніўся, мяняецца і будзе мяняцца.

Клас
Панылы сорам
Ха-ха
Ого
Сумна
Абуральна

Гутарыў Тарас Шчыры, фота аўтара, Надзеі Бужан, racyja.by, 

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм

Чытайце яшчэ
Чуваць шматлікія выбухі ў раёне аэрадрома «Зябраўка» пад Гомелем
будзе абнаўляцца
«Не можаш расказваць, што думаеш». Як рэжым цісне на экскурсаводаў
Калі ў Мінску адключаць ваду, можна будзе даведвацца праз рассылку
Вызначылі парадак прызнання ў Беларусі замежных дыпломаў
Каментары
Храналагічна Спачатку новыя Спачатку папулярныя
Каб пакінуць каментар, калі ласка, актывуйце JavaScript у наладах свайго браўзеру
Палітыка і грамадства
«Больш за 79% тых, хто знаходзіцца ў вышуку, выехалі за мяжу». ГУБАЗіК падвёў вынікі двух гадоў рэпрэсій 4
Еўрапейскія дыпламаты заклікалі вызваліць беларускіх палітвязняў
BYPOL: У Лунінцы загінуў вайсковец, магчыма, самагубства
Яну Пінчук этапавалі ў Беларусь
«Людзі сядзелі збітыя, плакалі…» Сілавікі, якія звольніліся ў жніўні 2020-га, — пра жыццё праз два гады, экс-калег і свае рашэнні 2
Прэм’ер-міністаркі Фінляндыі і Эстоніі выказаліся за абмежаванне выдачы краінамі ЕС турыстычных віз расіянам
Мінабароны Вялікабрытаніі: Расійскія войскі за месяц прасунуліся ў Данбасе максімум на 10 кіламетраў
Усяго патроху
Навукоўцы высветлілі, колькі гадоў старым дубам ля гродзенскага Новага замка 1
Папулярнага ютубера з Бангладэш забрала паліцыя. Ён спяваў песні на вершы Рабіндраната Тагора, але рабіў гэта без павагі
Шкоднікі вельмі баяцца звычайнага мыла — проста пакладзіце яго ў агародзе і пабачыце эфект 4
Індыйскі красовер Mahindra Scorpio-N зрабіў фурор, за хвіліну аформлена 25 000 перадзамоў 1
Найбуйнейшая падзея ў свеце кіберспорту будзе асвятляцца па-беларуску 1
Кавуны ў слоіку на зіму — летні смак цэлы год 7
Пікнікі, каруселі, салодкая вата. Як беларусы адпачываюць у парках 6
Спорт
Азаранка не паедзе на турнір у Канаду, ёй не далі візу 4
У Беларусі збіраюцца развіваць футгольф 1
Трэніраваць зборную Беларусі па тэнісе перакінулі спецыялістку з Федэрацыі рукапашнага бою 1
Баскетбалістку, якая зарабляе найбольш у свеце, асудзілі ў Расіі да 9 гадоў зняволення
Кінула працу на рудніку і стала чэмпіёнкай Беларусі па бодзібілдынгу 19
Кітайская каманда будзе гуляць у чэмпіянаце Беларусі па гандболе
«Зрабіла б тое ж самае». Як жыве спартсменка, што сышла з п'едэстала, калі зайграў не яе гімн 5
Здарэнні
У Бярозаўскім раёне пяцігадовы хлопчык пераехаў на машыне сямігадовага
У Ляхавіцкім раёне быкі напалі на людзей
«Ён пісаў: я кахаю цябе». Былы вучань лідскай школы расказаў, як стаў ахвярай свайго настаўніка-педафіла 7
У Мінску трохгадовы хлопчык выпаў з акна трэцяга паверха

У Гомельскім раёне 60-гадовы мужчына пагражаў 12-гадоваму падлетку нажом
Сям'я назбірала грыбоў у лесапарку ў Сухараве і трапіла ў рэанімацыю 5
У Ельскім раёне ноччу сутыкнуліся тры камбайны. За рулём аднаго з іх быў 14-гадовы падлетак
У мінскім пераходзе п'яная кампанія збіла дзяўчыну і хлопца за адмову праспяваць песню 5
Карысная інфа
У суботу будзе спякотна, да +32 4
Спёка вярнулася. У пятніцу да +33°С 2
Вялікая хваля дажджоў ідзе з захаду ў цэнтр Беларусі 4
З-за навальніц на нядзелю абвясцілі жоўты ўзровень небяспекі 1
Здароўе
Каб таблеткі хутчэй дзейнічалі, трэба легчы на правільны бок 3
Просты тэст падкажа, ці можа ў вас быць дыябет. Патрэбная толькі шклянка вады 11
Нарколаг — пра бяспечныя дозы выпіўкі, самы шкодны від алкаголю і тое, калі варта звярнуцца па дапамогу 8
Мінздароўя: Поўны курс вакцынацыі супраць COVID-19 прайшлі 70% беларусаў
Мова
Бабруйская настаўніца робіць настолкі, каб вывучаць беларускую мову гуляючы 1
Хочаце на роднай мове? Вось пяць рэсурсаў, дзе можна паглядзець кіно па-беларуску 5
Сэрвіс Slounik.org абнавіў дызайн і займеў мабільную версію
Сайт CityDog пачаў эксперымент, каб папулярызаваць беларускую мову 4
Аўто
«Толькі з Германіі, без прабегу па Беларусі». Якія люксавыя аўтамабілі беларусы прыганяюць для перапродажу  7
Арыштаваны беспілотны электрааўтобус прадаюць на беларускім аўкцыёне 3
«Каля 80% купцоў — з Расіі». Што колькі каштуе на аўтарынку ў Малінаўцы і чаго чакаць далей
«Расіяне вывозяць машыны цэлымі аўтавозамі». Перагоншчыкі машын уражаны наплывам кліентаў з Расіі 4
Эканоміка
Урад збіраецца рабіць у Баранавічах «Вялікі Камень» для беларускіх прадпрымальнікаў 4
«Гэта не толькі наша мара, але і Расіі». Міністр Пархомчык адказаў на пытанне пра выпуск беларускага легкавіка
У Зімбабвэ адмовіліся ад закупу пажарных машын у Беларусі
На «Нафтане» шукаюць 120 работнікаў
Меркаванні
Ільяш: Мы павінны прызнаць, у 2020-м у беларусаў не было ніводнага шанцу. Цяпер яны з'яўляюцца 10
Класкоўскі: Не магу прыпомніць прыкладаў, калі ўрад у выгнанні з-за мяжы здзейсніў нейкія пераўтварэнні і скінуў рэжым 9
Ірына Халіп: Я не хачу радавацца ніякай «Вуліцы-Ежы», пакуль сядзяць тысячы палітвязняў 18
Дынько: Стварэнне «кабінетаў» за мяжою часта ўяўляе сабой падмену рэальнай дзейнасці 36
Гісторыя
Што ўтойвае Біблія Скарыны? 1
Маршрут для незабыўных выхадных. На Нарачы вы ўсе бывалі. А паглядзіце, што можна пабачыць вакол Блакітных азёр 2
Янка Брыль: як шчасліва пражыць нешчаслівую эпоху
Таджыкістан: велічная гісторыя не гарантуе велічнай сучаснасці 7
Шукаюць валанцёраў на раскопкі гарадзішча, дзе знаходзіўся старажытны Мінск
Рэпартаж са змрочнай турмы ў Баранавічах. Як там вязні сядзелі ў 1931 годзе і як вешалі асуджаных на смерць
Гісторык: Варагі загаспадарылі на Русі, бо заслугі ставілі вышэй за выслугу 4
Культура
Жудасны новы свет. Прадказанні аднаго з самых апакапаліптычных геапалітычных стратэгаў 9
«Мне так хочацца, каб гэтую песню пачулі. Менавіта сёння». «Акрэсцінскі вальс» Кацярыны Ваданосавай ВІДЭА
Мастачка стварыла мазаіку ў гонар беларускіх палітвязняў
«Чума» Альбера Камю і наша сучаснасць. Новае відэа Андрэя Хадановіча
Рэчы, пашытыя беларускай у пасляваенныя гады, захаваліся ў музеі Рэспублікі Комі
У гурта NAVIBAND выйшлі новыя песня і кліп на песню «Свяці». 1
Бабруйская настаўніца робіць настолкі, каб вывучаць беларускую мову гуляючы 1
Навука і тэхналогіі
Ці здолееце вы рашыць гэтую простую задачу з касцямі? Большасць не здолее 2
Ці бачаць павукі сны? Гэта магчыма 2
Хакер узламаў баявога робата з ЗША і расказаў, як гэта можа зрабіць кожны 1
Штучны інтэлект ужо стварае мастацтва. Ці здолее ён замяніць крэатыўны клас? 3
Любіце сачыць за самалётамі палітыкаў і знакамітасцяў праз анлайн-трэкеры? Расказваем, як яны працуюць
Навукоўцы часткова аднавілі працу сэрца і мозгу свінні праз гадзіну пасля яе смерці 1
Xiaomi паказала гаджэт, які дазволіць кіраваць разумным домам сілай думкі
Каханне і сэкс
«У тыдні сем дзён — ніяк ночы напалову не дзеляцца». Як завесці поліаморны шлюб з мужам і палюбоўнікам і выжыць у ім 33
Інтымны пірсінг паляпшае аргазм? Асабісты досвед дзяўчыны 6
«Ён не ведаў, што мне падабаюцца дзяўчаты». Бісэксуалка расказала пра свой досвед 26
Ад кахання да скону да судовага пазову. Гісторыя складаных адносін Шакіры і Жэрара Піке
Джэй Ло і Бен Афлек нарэшце ажаніліся! Згадваем іх гісторыю кахання
«Мне доўга здавалася, што ў мяне маленькі. І вось што я прыдумаў казаць, каб дзяўчына не збегла»
Правільны мужчына. Беларус-дальнабойнік стаў зоркай TikTok
Свет
Аўстрыя — аплот уплыву Масквы ў Заходняй Еўропе. Пра гэта сведчаць матэрыялы шпіёнскай справы
Расіян дазволілі прышчапляць пратэрмінаваным «Спутнікам» 1
ЕС абмяркоўвае пытанне аб забароне шэнгенскіх віз для расіян 2
Украінскі генерал пра вызваленне Херсона: Гэта будзе хутка
Школьнае адзенне дзелавога стылю ў Беларусі будуць пазначаць спецыяльнымі цэтлікамі
Венгрыя і Славакія аплацілі транзіт расійскай нафты праз Украіну
«Прыйшлі і прыставілі пісталеты да галавы». Як Расія ўсталявала кантроль над інтэрнэтам у Херсонскай вобласці 1
Галоўнае
У Бярозаўскім раёне пяцігадовы хлопчык пераехаў на машыне сямігадовага
Чуваць шматлікія выбухі ў раёне аэрадрома «Зябраўка» пад Гомелем
будзе абнаўляцца
Паведамляюць пра пажарыска на піўзаводзе ў Данецку, адбылося выцяканне аміяку 1
«Ён асабіста мне рыбку лавіў з сажалкі, смажыў». Балерына Валачкова расказала, як гасцявала ў Лукашэнкі, а пасля адмовіла яму 14
З'явіліся спадарожнікавыя здымкі аэрадрома ў Крыме перад выбухамі на ім і пасля. Адчуйце розніцу 3
«Не можаш расказваць, што думаеш». Як рэжым цісне на экскурсаводаў
«Камунарка» змяніла чырвона-белы дызайн цукерак  5
Усяго патроху
«Давайце размаўляць». Лукашэнка намякнуў на жаданне аднавіць кантакты з Захадам 27
Аптычная ілюзія 19 стагоддзя: знайдзіце пацыентаў доктара 6
«Асноўныя дасягненні першага года пяцігодкі». Прачыталі метадычку ідэолагаў для «дзён інфармавання» — поўна смешнай хлусні 3
«Ён пісаў: я кахаю цябе». Былы вучань лідскай школы расказаў, як стаў ахвярай свайго настаўніка-педафіла 7
Фота / Відэа
Памятаеце мінчука, які ў 2017-м выратаваў на Дзень Волі бел-чырвона-белы сцяг з-пад ног амапаўцаў? Зараз ён праходзіць па крыміналцы 1
«Калі на кепскае паўплываць не можам, то добрае — наша зона адказнасці». Беларусы знутры краіны пра тое, як не ператварыцца ў рабоў
Апытанка
Самае чытанае
Чуваць шматлікія выбухі ў раёне аэрадрома «Зябраўка» пад Гомелем
«Ён асабіста мне рыбку лавіў з сажалкі, смажыў». Балерына Валачкова расказала, як гасцявала ў Лукашэнкі, а пасля адмовіла яму 14
«Давайце размаўляць». Лукашэнка намякнуў на жаданне аднавіць кантакты з Захадам 27
Пазняк на канферэнцыю ў Вільні: У палітычным сэнсе было б лепш гэтую групоўку ліквідаваць 64
Былы сілавік Ігар Макар прэтэндуе на беларускага Стэтхэма ФОТАФАКТ 17
Самае лайканае
Хто такі Валерый Сахашчык, які ўзначаліў сілавы блок у кабінеце Ціханоўскай 24
«Ёсць тры групы людзей». Азараў раскрыў некаторыя дэталі плана «Перамога» 8
Сукенка Карач і кепка Пракоп'ева: як выглядалі ўдзельнікі канферэнцыі «Новая Беларусь» 29
Ільяш: Мы павінны прызнаць, у 2020-м у беларусаў не было ніводнага шанцу. Цяпер яны з'яўляюцца 10
У Вільні праходзіць канферэнцыя «Новая Беларусь», Латушка і Пракоп'еў патрабуюць стварэння ўрада АНЛАЙН 37
Гарачыя тэмы
Былы сілавік Ігар Макар прэтэндуе на беларускага Стэтхэма ФОТАФАКТ 17
«Я лічу сілавое рашэнне рэальным». Вось што сказаў Валерый Сахашчык у першай пасля прызначэння прамове 24
Ціханоўская стварае кабінет, мэта якога — «дэакупацыя краіны і правядзенне свабодных выбараў»
абнаўлялася анлайн
40
Паглядзіце на чырвоныя лініі на малюнку: яны прамыя ці крывыя? 3
Ільяш: Мы павінны прызнаць, у 2020-м у беларусаў не было ніводнага шанцу. Цяпер яны з'яўляюцца 10
«Зараз мы цябе ў аўтазак да тлустых закінем». Як склалася гісторыя маладзёнаў са страшнага фота, якое абляцела ўсю краіну
Бабруйская настаўніца робіць настолкі, каб вывучаць беларускую мову гуляючы 1
Сукенка Карач і кепка Пракоп'ева: як выглядалі ўдзельнікі канферэнцыі «Новая Беларусь» 29
Ірына Халіп: Я не хачу радавацца ніякай «Вуліцы-Ежы», пакуль сядзяць тысячы палітвязняў 18
PDF версія
Каляндар
Каб скарыстацца календаром, калі ласка, актывуйце JavaScript у наладах свайго браўзера
пн аў ср чц пт сб нд
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Версія для смартфонаў
Навіны Вайна Эканоміка Грамадства Усяго патроху Культура Нашы партнёры
  • Эканоміка
  • Грамадства
  • Здарэнні
  • Свет
  • Спорт
  • Аўто
  • Меркаванні
  • Ад рэдакцыі
  • Вайна
  • Тэсты
  • Здароўе
  • Нерухомасць
  • Моды
  • Ежа
  • Навука і тэхналогіі
  • Надвор'е
  • Каханне і сэкс
  • Гісторыя
  • Мова
  • Кіно
  • Літаратура
  • Культура
Кантакты
© Усе правы абароненыя. Выкарыстанне платных матэрыялаў забаронена без пісьмовага дазволу. Выкарыстанне бясплатных рускамоўных версій матэрыялаў забаронена без пісьмовага дазволу. Выкарыстанне бясплатных беларускамоўных версій матэрыялаў дазваляецца пры ўмове наяўнасці актыўнай гіперспасылкі на Nashaniva.com у першым абзацы.
Дызайн сайту — арт-студыя PRAS
Уверх