«Ciapier nia čas dla interviju, chłopcy. Chiba vy nie razumiejecie, što heta pravakacyja?» — kaža Ŭładzimier Kiškurna. Možna mierkavać, što sprava budzie raskručvacca, kab źbić chvalu abureńnia źbićciom Zavadzkaj.
I ŭsio-taki jość u specsłužbach ludzi, jakija całkam mahli b pierakvalifikavacca ŭ režyseraŭ bandycka-miantoŭskich seryjałaŭ. Paŭza paśla «efektnaj» kanfiskacyi 200 tysiač dalaraŭ, nibyta pryznačanych Siarhieju Skrabcu, zaciahnułasia. I voś u etery BT i ANT čarhovy telehit — repartaž pra šturm 9 lipienia domu Ŭładzimiera Kiškurny, staršyni mienskaj haradzkoj arhanizacyi Partyi BNF. Vybiŭšy dźviery i vokny, kala tuzina milicyjantaŭ učynili pieratrus i aryštavali Antona Kiškurnu, 22-hadovaha syna haspadaroŭ domu, jakija byli ŭ hety čas u adpačynku.
Antonu pradjaŭlena abvinavačańnie ŭ niezakonnym zbycie narkotykaŭ i zachoŭvańni bojeprypasaŭ. Pad bojeprypasami majucca na ŭvazie try patrony, znojdzienyja ŭ domie. Što da narkotykaŭ, jakija nibyta byli pry Antonie, dyk adnosna ich uvohule nijakaj dakładnaj infarmacyi niama.
«Ciapier nia čas dla interviju, chłopcy. Chiba vy nie razumiejecie, što heta pravakacyja?» — kaža Ŭładzimier Kiškurna. Jon terminova viarnuŭsia ŭ Miensk i admaŭlaje lubuju datyčnaść jaho syna da vyłučanych abvinavačańniaŭ.
Niahledziačy na hučny pačatak, nia vyklučana, što sprava pieraciače ŭ chraničny stan i nieŭzabavie rassyplecca. Nadta ŭžo šmat medyjnaj vałtuźni i zamała kakretnych dokazaŭ viny chłopca. Adnak možna mierkavać, što sprava budzie ŭ lubym vypadku aktyŭna raskručvacca, kab źbić chvalu abureńnia, jakaja ŭźniałasia paśla źbićcia Śviatłany Zavadzkaj.
Kamientary