Na minułym tydni ŭ Miensku prajšła prezentacyja knihi «Biełaruś: Doroha v buduŝieje».
Nad knihaj, što analizuje stanovišča Biełarusi, pracavali 30 čałaviek. Prezentacyju pravodzili redaktary vydańnia — namieśnik staršyni AHP Jarasłaŭ Ramančuk i kiraŭnik analityčnaha centru «Stratehija» Leanid Zaika.
Pavodle aŭtaraŭ knihi, u Biełarusi jość try šlachi dalejšaha raźvićcia: uvajści ŭ eŭrapiejskuju supolnaść; dalej intehravacca va ŭschodnim kirunku; raźvivacca samastojna. Aŭtary knihi najbolš realistyčnym nazyvali treci varyjant. U najbližejšaj budučyni ŭ Eŭraźviazie nas nie čakajuć, miarkujuć układalniki. Na dumku Leanida Zaiki, «zajmacca saboj — nia samy horšy varyjant. My i tak mnohaje pierajmajem: kuplajem patrymanyja aŭtamabili, nosim vopratku sekand-chend, palityki paŭtarajuć žarty, skazanyja inšymi…».
Zrešty, pytańnie «biełarusacentryčnaści śvietu» zastajecca dla Ł.Zaiki ćmianym. Tak, na prezentacyi jon zajaviŭ: «Łukašenka zrabiŭ vielmi karysnuju reč, što spyniŭ usie dyskusii nakont biełaruskaj movy». Kiraŭnik «Stratehii» aktyŭna karystaŭsia terminam «Eŭraŭschod», prydumanym Hlebam Paŭłoŭskim, što aburyła palitolaha Vitala Silickaha: «Davajcie vybirać terminy, zručnyja nam, a nie karystacca čužymi».
Analizujučy stan sacyjalna-ekanamičnaha raźvićcia krainy, Ja.Ramančuk zaznačyŭ utapičnaść idei Kremnijevaj daliny: u eksparcie Biełarusi dola vysokatechnalahičnych tavaraŭ składaje tolki 4%, tady jak u Małajzii — 58%. Havoračy pra nieabchodnaść tatalnych reformaŭ, Ja.Ramančuk zaznačyŭ: chto b ich ni pravodziŭ, masavaha biespracoŭja možna paźbiehnuć. «U nas nia monaekanomika, kab abrynucca adrazu».
Manahrafiju aŭtary dasłali kožnamu deputatu z abiedźviuch pałataŭ parlamentu. Praz čatyry hady jany abiacajuć vydać novuju knihu.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary