Hramadstva

30 pravaabarončych arhanizacyj zaklikali vyzvalić Bialackaha

33 pravaabarončyja arhanizacyi, jakija ŭvachodziać u Mižnarodnuju płatformu «Hramadzianskaja salidarnaść», zaklikali ŭłady Biełarusi źniać usie abvinavačańni z pravaabaroncy Alesia Bialackaha i nieadkładna vyzvalić jaho, dazvolić pravaabarončamu centru «Viasna» praciahvać pracu ŭ jaho pamiaškańni, a taksama spynić represii ŭ dačynieńni da pravaabaroncaŭ krainy.
Ab hetym havorycca ŭ zajavie, jakuju padpisali pradstaŭniki pravaabarončych arhanizacyj kala 20 krain.

Mižnarodnyja pravaabaroncy asudžajuć, u pryvatnaści, kanfiskacyju ofisa «Viasny». «Hetyja dziejańni źjaŭlajucca čarhovym prajaŭleńniem parušeńnia svabody asacyjacyj z boku ŭład Biełarusi, jakija praciahvajuć nacisk na inšadumcaŭ i sprabujuć abjavić pravaabaroncaŭ pa-za zakonam, zapužvać ich i kryminalna praśledavać. Niahledziačy na toje, što svaboda asacyjacyj harantavana biełaruskaj Kanstytucyjaj, ułady krainy parušajuć Asnoŭny zakon, a taksama mižnarodnyja standarty, ratyfikavanyja Respublikaj Biełaruś u ramkach AAN, i abaviazacielstvy, uziatyja dziaržavaj na siabie ŭ ramkach ABSIE», — havorycca ŭ zajavie.

Jany taksama nahadvajuć, što sud nad Bialackim «byŭ adznačany hrubymi parušeńniami prava na abaronu i prava na spraviadlivy sud».
«Nivodnamu mižnarodnamu naziralniku nie ŭdałosia atrymać vizu dla taho, kab pryjechać u Biełaruś i prysutničać na sudzie; siarod tych, kamu było admoŭlena ŭ biełaruskaj vizie, byli supracoŭniki Mižnarodnaha partniorstva za pravy čałavieka (IPHR) i Narviežskaha Chielsinkskaha kamiteta, arhanizacyj — členaŭ płatformy «Hramadzianskaja salidarnaść». Kanfiskavanaja kvatera była pamiaškańniem, u jakim «Viasna ažyćciaŭlała svaju dziejnaść na praciahu 12 hadoŭ», — havorycca ŭ zajavie.

«Płatforma „Hramadzianskaja salidarnaść“ asudžaje novyja kroki biełaruskich uład, nakiravanyja na spynieńnie dziejnaści viadomaj niaŭradavaj arhanizacyi, jakaja praciahvaje mužna vykonvać svaju pracu, niahledziačy na turemnaje źniavoleńnie svajho kiraŭnika i surjozny cisk, jaki adčuvajuć jaje členy na praciahu apošniaha hoda», — zajaŭlajuć pravaabaroncy.

Taksama płatforma zaklikała mižnarodnuju hramadskaść padtrymać svaje patrabavańni i pradoŭžyć zakliki da Alaksandra Łukašenki ŭstrymacca ad dalejšych represij u dačynieńni da hramadzianskaj supolnaści.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Palicyja Dubaja: 20-hadovaja madel z Ukrainy ŭpała z vyšyni na budoŭli17

Palicyja Dubaja: 20-hadovaja madel z Ukrainy ŭpała z vyšyni na budoŭli

Usie naviny →
Usie naviny

Tramp skasoŭvaje pravavy status 530 tysiač kubincaŭ, haicianaŭ, nikarahuancaŭ i vieniesuelcaŭ2

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć6

Pahražajuć za Dzień Voli? Voś što treba rabić45

Tramp zajaviŭ pra stvareńnie amierykanskaha źniščalnika novaha pakaleńnia8

Staŭ viadomy žorstki prysud, vyniesieny žycharu Homiela za «zdradu dziaržavie»1

Kietony: što za rečyvy, jakija spyniajuć stareńnie mozhu i dapamahajuć schudnieć?1

Tramp raskazaŭ pra pieramovy pa «padziele terytoryj» Ukrainy24

Pamior znakamity kadebist-pierabiežčyk Aleh Hardzijeŭski10

Źjaviłasia spadarožnikavaje FOTA vynikaŭ ukrainskaj ataki na vajskovy aeradrom u rasijskim Enhielsie3

bolš čytanych navin
bolš łajkanych navin

Palicyja Dubaja: 20-hadovaja madel z Ukrainy ŭpała z vyšyni na budoŭli17

Palicyja Dubaja: 20-hadovaja madel z Ukrainy ŭpała z vyšyni na budoŭli

Hałoŭnaje
Usie naviny →

Zaŭvaha:

 

 

 

 

Zakryć Paviedamić