Sud nad Vasiljevym: supracoŭniki KDB i čornyja sumki

26 śniežnia ŭ sudzie dapytali śviedkaŭ, što pracavali z Vasiljevym u Minharvykankamie. Pytańni tyčylisia zaklučeńnia damovy z češskim inviestaram na budaŭnictva zavoda pa pierapracoŭcy śmiećcia. Usio adnastajna. Cikavymi byli śviedčańni tahačasnaha pamočnika čynoŭnika Vadzima Askirki nakont zatrymańnia načalnika. Sam abvinavačany raskazaŭ pra heta jašče padčas dopytaŭ na papiarednim śledstvie: pratakoły začytvalisia ŭ pieršy dzień suda. A tut bačańnie taho ž epizodu pradstaviłasia ź inšaha boku.

6 lipienia 2012 Askirka zajšoŭ u pryjomnuju (jaho kabiniet i Vasiljeva majuć supolnuju pryjomnuju), kali adtul vychodziŭ načalnik. Pamočnik prajšoŭ u svoj kabiniet. Praź niejki čas jon pačuŭ hałasy ŭ pryjomnaj i vyhlanuŭ:

tam stajali ludzi ŭ cyvilnym, niechta ź ich zabiahaŭ u kabiniet Vasiljeva. Na pytańnie — «Chto vy?» — ničoha nie adkazali. Pa słovach Askirki, u dvuch čałaviek u rukach byli spartyŭnyja čornyja sumki.

Ale adznačaje, što nie bačyŭ, kab niešta ź ich dastavali albo niešta kłali ŭ ich. Bo nie moh uvieś čas kantralavać dziejańni tych ludziej.

Jon sieŭ u svaim kabiniecie. A kali viarnuŭsia Ihar Vasiljeŭ, ludzi nazvalisia supracoŭnikami KDB i pačali zdymać usio na kamieru. Skazali, što budzie pravodzicca «pracedura nadhladu miesca zdareńnia».

Askirka razam ź inšymi supracoŭnikami, što byli ŭ pryjomnaj u toj čas, słužbistami i dvuma paniatymi (maładyja ludzi, jakich raniej u harvykankamie jon nie bačyŭ) prysutničaŭ pry ahladzie. Pa jaho słovach,

słužbisty adrazu pačali z šafy, adkul i dastali partfiel. Pieraličyli hrošy: 25 pakunkaŭ pa sto kupiur u kožnym naminałam pa $100.

Pry hetym Vasiljeŭ tłumačyŭ, što hrošy nie jahonyja i nie viedaje, adkul jany ŭzialisia. Maŭlaŭ, jaho ŭ kabiniecie nie było, a zajšoŭ tudy razam z KDBistami.

Cikavy momant, na jakim spyniŭsia Askirka, što

ŭ supracoŭnikaŭ KDB byŭ svoj kluč ad dźviarej u pryjomnuju.

Pa jaho słovach, dźviery ŭ jaho pakoj i kabiniet načalnika nikoli nie zamykalisia — tolki ŭ pryjomnuju. U kamplekcie było piać klučoŭ. Pa adnym u jaho, sakratarki, prybiralščycy, astatnija — u načalnika.

Praź niekalki hadzin paśla hetaha adbyŭsia pieratrus u kabiniecie Vasiljeva.

Eks-namieśnika kiraŭnika Minska vinavaciać u atrymańni chabaru ad pradstaŭnika češskaj firmy-inviestara. Ale na sudzie pakul nie havaryłasia, što adbyłosia z tym čałaviekam. Z tłumačeńniaŭ eks-čynoŭnika stała jasna, što jaho taksama zatrymlivali. I advakat u ich spačatku byŭ adzin na dvuch.

Čytajcie taksama:

Sud nad namieśnikam kiraŭnika Minska: «Prajaviŭ słabaść i pahadziŭsia na atrymańnie hrošaj».

Ci vykličuć Ładućku ŭ sud na jaho eks-namieśnikam?

• 0
• 0
• 0
• 0
• 0
• 0
• 0
• 0