Dla abahrevu budaŭniki vykarystoŭvali hazavy bałon.
Pryčynaj vybuchu ŭ katedžy ŭ Minsku mahła stać uciečka hazu. Pra heta paviedamiŭ ministr pa nadzvyčajnych situacyjach Uładzimir Vaščanka, paviedamlaje BIEŁTA.
«Ciapier idzie rasśledavańnie, tamu pakul zaŭčasna rabić kančatkovyja vysnovy. Sa słoŭ haspadara katedž znachodziŭsia ŭ stanie budaŭnictva i dla abahravańnia vykarystoŭvaŭsia pryvazny haz. Mahła adbycca ŭciečka, adnak heta tolki adna ź viersij», — adznačyŭ ministr.
Nahadajem, što 17 studzienia ŭ Minsku na vulicy Pastaŭskaj uzarvaŭsia katedž. Ratavalniki zafiksavali abvalvańnie dachu, ścien i pierakryćciaŭ katedža na płoščy 100 kv. m. Na miescy pracavali 16 adzinak techniki i 57 ratavalnikaŭ, u tym liku kinałahičnaja słužba.
U vyniku zdareńnia paciarpieŭ budaŭnik 1984 h.n., jaki pracavaŭ u katedžy. Z termičnymi apiokami kiściej ruk, tvaru, šyi 1-3-j stupieni jon byŭ špitalizavany.
Vulica, na jakoj prahrymieŭ vybuch — miesca elitnaj zabudovy ŭ rajonie Cnianskaha vadaschovišča. Siarod inšych, na joj znachodzicca rezidencyja pasła Polščy. Pobač na Kalcova mieścicca pasolstva Indyi.
Videa 112.by.
Kamientary