Homielskija pravaabaroncy znoŭ źviarnulisia da ministra ŭnutranych spravaŭ pa «cyhanskim pytańni»
Homielskija pravaabaroncy Maryja Klimovič i Aleś Jaŭsiejenka źviarnulisia da ministra ŭnutranych spravaŭ Ihara Šunieviča pa «cyhanskim pytańni».
U červieni 2012 hoda jany ŭžo pisali zvarot da kiraŭnika MUS z prośbaj nie abaznačać u publikacyjach nacyjanalnaść złačyncaŭ, kab heta nie pryvodziła da dyskryminacyi pa nacyjanalnaj prykmiecie. Havorka idzie ŭ pieršuju čarhu pra cyhanoŭ. Raniej pravaabaroncy źviartalisia i va ŭpraŭleńnie ideałohii Homielskaha abłvykankama, kab ideołahi praviali tłumačalnuju pracu siarod karespandentaŭ dziaržaŭnych ŚMI. I ŭpraŭleńnie ideałohii abiacała pravieści takuju pracu i papiaredzić žurnalistaŭ pra niedapuščalnaść raspalvańnia mižnacyjanalnaj varožaści.
Z MUS pravaabaroncam letam 2012 hoda adkazaŭ načalnik upraŭleńnia infarmacyi i hramadskich suviaziaŭ Kanstancin Šalkievič. Jon napisaŭ, što
«siarod supracoŭnikaŭ rehijanalnych padraździaleńniaŭ orhanaŭ unutranych spravaŭ pastajanna viadziecca tłumačalnaja praca ŭ metach niedapuščalnaści kankretyzacyi ŭ publičnych vystupach rasavych, etničnych i relihijnych prykmiet złačyncaŭ i pravaparušalnikaŭ».
Ale pry manitorynhu haziety «Na stražie» za šeść apošnich miesiacaŭ pravaabaroncy vyjavili artykuły, jakija, na ich dumku, abražajuć nacyjanalnuju hodnaść cyhanoŭ.
Hetyja artykuły pad zahałoŭkami «Cyhanka. Pazałaciła ručku», «Cyhanki. Zazirnuli ŭ hości» i inšyja zajaŭniki pryviali jak prykład taho, što abiacańnie słužbovaj asoby nie abaznačać nacyjanalnaść złačyncaŭ nie vykonvajecca.
Pravaabaroncy prosiać ministra davieści da viedama aŭtaraŭ artykułaŭ, što «ŭ Respublicy Biełaruś niama «kiepskich» i «druhoha hatunku» nacyj i što raspalvańnie mižnacyjanalnaj varožaści karajecca zakonam.
«Karespandenty milicejskaj haziety praciahvajuć abahulniać u svaich materyjałach, i abaznačać nacyjanalnaść złačyncaŭ, tamu što nie ličać patrebnym šanavać nacyjanalnuju hodnaść cyhanoŭ. Napeŭna, aŭtary artykułaŭ ličać, što cyhany — niepiśmiennyja, haziet nie čytajuć, i nie paskardziacca. Miž tym, hazietu „Na stražie“ čytajuć nie tolki milicyjaniery, ale i členy ich siemjaŭ, i nie tolki. Takija publikacyi drenna ŭpłyvajuć na čytačoŭ, bo farmujuć staŭleńnie da cyhanoŭ jak da ludziej niepaŭnavartasnych, jakich možna abražać, zatrymlivać, i za heta nie budzie pakarańnia. My ličym, što milicejskaja hazieta pavinnaja stroha prytrymlivacca zakanadaŭstva, tym bolš što kiraŭnik upraŭleńnia infarmacyi i hramadskich suviaziaŭ abiacaŭ nam pravieści tłumačalnuju pracu», — ličyć Maryja Klimovič.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary