Biełaruska Eleanora Kačałaŭskaja nie trapiła ŭ top-30 na konkursie «Mis Suśviet»
Tytuł upieršyniu atrymała pradstaŭnica Danii.
Biełaruska Eleanora Kačałaŭskaja nie ŭvajšła ŭ top-30 na prestyžnym konkursie pryhažości «Mis Suśviet»-2024, jaki adbyŭsia ŭ Mieksicy. Biełaruś była pradstaŭlena na konkursie ŭpieršyniu.
Pieramohu atrymała 21-hadovaja tancoŭščyca i pačynajučy juryst z Danii Viktoryja Kjer Tejłvih. Jana stała pieršaj datčankaj, jakoj udałosia zavajavać hety tytuł. U konkursie pytańniaŭ i adkazaŭ Kjer zaklikała ŭsich hledačoŭ «praciahvać zmahacca, niezaležna ad taho, adkul vy rodam».
Asnoŭnaja častka konkursu pačałasia z paŭfinału, kudy ŭvajšli 30 dziaŭčat. Ich adabrali pa vynikach papiaredniaha defile ŭ nacyjanalnych kaściumach. Paśla defile ŭ kupalnikach zastalisia 12 finalistak, jakija zatym prajšlisia pa scenie ŭ viečarovych sukienkach.
Pieršaj vice-mis stała pradstaŭnica Nihieryi Čydymma Adecina, tytuł druhoj vice-mis atrymała mieksikanka Maryja Fiernanda Bieltran. Treciaj vice-mis vybrali Suchatu Čuansdry z Tajłanda, čaćviortaj — Ileanu Markies ź Vieniesueły.
U top-12 taksama ŭvajšli pradstaŭnicy Arhienciny, Balivii, Kanady, Čyli, Pieru, Puerta-Ryka i Rasii.
Nahadajem, pieršapačatkova Biełaruś pavinna była pradstaŭlać Karyna Kisialova. Adnak jaje raptoŭna zamianili, a potym jana apynułasia ŭ SIZA.
Aleksijevič narešcie vykazałasia pra Izrail i Paleścinu9
Kamientary