Advakat rodam z Rasii prapanavaŭ Trampu stać jaho pasłańnikam pa Ukrainie
Advakat Barys Epštejn, jaki kaardynavaŭ jurydyčnuju abaronu ŭ kryminalnych spravach Donalda Trampa, prapanavaŭ tamu stać jaho śpiecyjalnym pasłańnikam pa rasijska-ŭkrainskaj vajnie.
Epštejn prapanavaŭ heta, kali jany lacieli na sustreču z Džo Bajdenam u Biełym domie, paviedamlaje The New York Times sa spasyłkaj na svaje krynicy.
Pa słovach ludziej, znajomych ź situacyjaj, niekalki čałaviek u samalocie, zdavałasia, byli šakavanyja idejaj pryznačyć Epštejna na važnuju dypłamatyčnuju pasadu. Epštejn nie maje dośviedu pracy ŭ źniešniaj palitycy. Da taho ž jon znachodzicca pad śledstvam u Aryzonie razam ź niekalkimi inšymi prychilnikami Trampa za sprobu skasavać vyniki vybaraŭ 2020 hoda praz padrobnyja śpisy vybarnikaŭ.
Tramp nie adchiliŭ prapanovu Epštejna, ale i nie prymaŭ jaho ŭsurjoz.
Sam Epštejn admoviŭsia ad kamientaroŭ.
Epštejn naradziŭsia ŭ Rasii i žyŭ tam u dziacinstvie da 11 hadoŭ. Ź jaho słoŭ, u jaho jość rodnyja i ŭ Rasii, i va Ukrainie. Raniej jon pracavaŭ taksama ŭ adździele kamunikacyj Biełaha doma. Heta adna z upłyvovych fihur u atačeńni Donalda Trampa.
Kali Kanapackaja stała całkam padkantrolnaja Łukašenku?16
Kamientary