Łukašenka: Spartyŭnyja arhanizacyi nie pavinny visieć na šyi dziaržavy

Chaj spartyŭnyja arhanizacyi nie raźličvajuć ŭvieś čas visieć na šyi dziaržavy. Ab hetym zajaviŭ Alaksandr Łukašenka na naradzie ab mierach dziaržaŭnaj padtrymki spartyŭnych arhanizacyj.

«Ja nie chacieŭ by, kab heta narada pieratvaryłasia ŭ čarhovaje vybivańnie hrošaj dla spartyŭnych arhanizacyj, kłubaŭ i spartsmienaŭ na nastupny hod ci niejki nastupny pieryjad. Voś heta pavykidajcie adrazu z hałavy, hetaha nie budzie», — padkreśliŭ jon.

"Ja nie chacieŭ by, kab heta narada pieratvaryłasia ŭ čarhovaje vybivańnie hrošaj dla spartyŭnych arhanizacyj, kłubaŭ i spartsmienaŭ na biahučy hod abo niejki budučy pieryjad. Voś heta vykińcie adrazu z hałavy, hetaha nie budzie", - padkreśliŭ jon.

Alaksandr Łukašenka adznačyŭ, što ŭ jaho jość abhruntavanyja sumnieńni ŭ tym, što čynoŭnikam ad sportu ŭdałosia zabiaśpiečyć vykanańnie ŭsimi arhanizacyjami haliny svaich abaviazacielstvaŭ pa ŭkazu prezidenta ab padtrymcy fizičnaj kultury i sportu. "Tady my vypracavali niejkuju formułu padtrymki kłubaŭ, nakiravanuju, najpierš, na stymulavańnie samastojnaha zarabotku srodkaŭ spartyŭnymi arhanizacyjami. Dziaržaŭnaje finansavańnie było vyrašana pryviazać da rezultataŭ kankretnaha kłuba, kalektyvu i spartsmiena", - skazaŭ Prezident. U jakaści važnaha napramku była abaznačana rabota pa finansavańniu dziciača-junackaha sportu i raźvićciu materyjalna-techničnaj bazy.

Zhodna z ukazam, orhany ŭłady na miescach pavinny byli kantralavać vykarystańnie dziaržaŭnaj padtrymki ŭ sporcie.

"I nie prosta kantralavać, ale i prymać miery pa pavieličeńniu dachodaŭ ad ułasnaj finansava-haspadarčaj dziejnaści šlacham daviadzieńnia adpaviednych zadańniaŭ da spartyŭnych arhanizacyj", - źviarnuŭ uvahu kiraŭnik dziaržavy.

Tym nie mienš, daloka nie ŭsie pałažeńni ŭkaza akazalisia vykananymi. "U mianie jość papiarednija vyniki płanavaj pravierki 9 kłubaŭ pa hulniavych vidach sportu i manitorynhu vykanańnia ŭkaza, pradstaŭlenyja Kamitetam dziaržkantrolu. I jany, ščyra skažu, nie ŭražvajuć, - adznačyŭ Prezident. - Nie ŭsie kłuby siońnia hatovy da samastojnaj raboty pa pryciahnieńniu pazabiudžetnych krynic finansavańnia. Adsiul - składanaści ŭ raźvićci svajoj materyjalna-techničnaj bazy i ŭ akazańni dapamohi dziciača-junackamu sportu". A biez hetaha, na dumku Prezidenta, nielha raźličvać na dasiahnieńnie vynikaŭ. "I niachaj nie spadziajucca ŭvieś čas visieć na šyi ŭ dziaržavy", - skazaŭ Alaksandr Łukašenka nakont akazańnia padtrymki spartyŭnym arhanizacyjam.

Prezident ličyć, što miascovyja ŭłady sa svajho boku nie zabiaśpiečyli naležny kantrol za dziejnaściu spartyŭnych arhanizacyj. "Jak mnie dakładvajuć, adyści ad zahannaj praktyki, kali za kaštarys nichto nie adkazvaje, da hetaha času nie ŭdajecca", - adznačyŭ kiraŭnik dziaržavy. Prezident taksama padkreśliŭ, što Minsportu nieabchodna dakładna abaznačyć pryjarytety raźvićcia sportu ŭ krainie i kantralavać ich realizacyju na miescach. "Vybudavać rabotu takim čynam, kab tyja, chto pakazvaje vysokija spartyŭnyja rezultaty i niadrennyja pakazčyki haspadarčaj dziejnaści, byli ŭ liku pieršych atrymalnikaŭ dziaržaŭnaj padtrymki", - zapatrabavaŭ Alaksandr Łukašenka.

U čas narady Łukašenka zapatrabavaŭ ad słužbovych asob, adkaznych za raźvićcio sportu ŭ krainie, dałažyć ab tym, ci dasiahnuty mety, zakładzienyja va ŭkazie ab padtrymcy spartyŭnych arhanizacyj, i jakija zachady treba zrabić dla ŭdaskanaleńnia ŭmoŭ padtrymki ŭ hetaj śfiery.

Pavodle jaho słoŭ, uličvajučy nahruzku, jakuju niasuć biudžet i biełaruskija pradpryjemstvy, akazvajučy dapamohu sportu, dziaržava nie moža zakryvać vočy na nievykanańnie čynoŭnikami ad sportu šeraha svaich abaviazacielstvaŭ.

• 0
• 0
• 0
• 0
• 0
• 0
• 0
• 0