Лукашэнка: Спартыўныя арганізацыі не павінны вісець на шыі дзяржавы
Хай спартыўныя арганізацыі не разлічваюць ўвесь час вісець на шыі дзяржавы. Аб гэтым заявіў Аляксандр Лукашэнка на нарадзе аб мерах дзяржаўнай падтрымкі спартыўных арганізацый.
«Я не хацеў бы, каб гэта нарада ператварылася ў чарговае выбіванне грошай для спартыўных арганізацый, клубаў і спартсменаў на наступны год ці нейкі наступны перыяд. Вось гэта павыкідайце адразу з галавы, гэтага не будзе», — падкрэсліў ён.
"Я не хацеў бы, каб гэта нарада ператварылася ў чарговае выбіванне грошай для спартыўных арганізацый, клубаў і спартсменаў на бягучы год або нейкі будучы перыяд. Вось гэта выкіньце адразу з галавы, гэтага не будзе", - падкрэсліў ён.
Аляксандр Лукашэнка адзначыў, што ў яго ёсць абгрунтаваныя сумненні ў тым, што чыноўнікам ад спорту ўдалося забяспечыць выкананне ўсімі арганізацыямі галіны сваіх абавязацельстваў па ўказу прэзідэнта аб падтрымцы фізічнай культуры і спорту. "Тады мы выпрацавалі нейкую формулу падтрымкі клубаў, накіраваную, найперш, на стымуляванне самастойнага заработку сродкаў спартыўнымі арганізацыямі. Дзяржаўнае фінансаванне было вырашана прывязаць да рэзультатаў канкрэтнага клуба, калектыву і спартсмена", - сказаў Прэзідэнт. У якасці важнага напрамку была абазначана работа па фінансаванню дзіцяча-юнацкага спорту і развіццю матэрыяльна-тэхнічнай базы.
Згодна з указам, органы ўлады на месцах павінны былі кантраляваць выкарыстанне дзяржаўнай падтрымкі ў спорце.
"І не проста кантраляваць, але і прымаць меры па павелічэнню даходаў ад уласнай фінансава-гаспадарчай дзейнасці шляхам давядзення адпаведных заданняў да спартыўных арганізацый", - звярнуў увагу кіраўнік дзяржавы.
Тым не менш, далёка не ўсе палажэнні ўказа аказаліся выкананымі. "У мяне ёсць папярэднія вынікі планавай праверкі 9 клубаў па гульнявых відах спорту і маніторынгу выканання ўказа, прадстаўленыя Камітэтам дзяржкантролю. І яны, шчыра скажу, не ўражваюць, - адзначыў Прэзідэнт. - Не ўсе клубы сёння гатовы да самастойнай работы па прыцягненню пазабюджэтных крыніц фінансавання. Адсюль - складанасці ў развіцці сваёй матэрыяльна-тэхнічнай базы і ў аказанні дапамогі дзіцяча-юнацкаму спорту". А без гэтага, на думку Прэзідэнта, нельга разлічваць на дасягненне вынікаў. "І няхай не спадзяюцца ўвесь час вісець на шыі ў дзяржавы", - сказаў Аляксандр Лукашэнка наконт аказання падтрымкі спартыўным арганізацыям.
Прэзідэнт лічыць, што мясцовыя ўлады са свайго боку не забяспечылі належны кантроль за дзейнасцю спартыўных арганізацый. "Як мне дакладваюць, адысці ад заганнай практыкі, калі за каштарыс ніхто не адказвае, да гэтага часу не ўдаецца", - адзначыў кіраўнік дзяржавы. Прэзідэнт таксама падкрэсліў, што Мінспорту неабходна дакладна абазначыць прыярытэты развіцця спорту ў краіне і кантраляваць іх рэалізацыю на месцах. "Выбудаваць работу такім чынам, каб тыя, хто паказвае высокія спартыўныя рэзультаты і нядрэнныя паказчыкі гаспадарчай дзейнасці, былі ў ліку першых атрымальнікаў дзяржаўнай падтрымкі", - запатрабаваў Аляксандр Лукашэнка.
У час нарады Лукашэнка запатрабаваў ад службовых асоб, адказных за развіццё спорту ў краіне, далажыць аб тым, ці дасягнуты мэты, закладзеныя ва ўказе аб падтрымцы спартыўных арганізацый, і якія захады трэба зрабіць для ўдасканалення ўмоў падтрымкі ў гэтай сферы.Пры гэтым ён папярэдзіў, што так званая "сярэдняя тэмпература па бальніцы" яго не цікавіць. "Я хацеў бы і патрабую дэталёвай справаздачы, зыходзячы з дзейнасці кожнай спартыўнай арганізацыі. Прыхарашыць агульную карціну за кошт толькі часткі паспяховых і дзейных сёння ўжо не ўдасца", - падкрэсліў ён.
Паводле яго слоў, улічваючы нагрузку, якую нясуць бюджэт і беларускія прадпрыемствы, аказваючы дапамогу спорту, дзяржава не можа закрываць вочы на невыкананне чыноўнікамі ад спорту шэрага сваіх абавязацельстваў.
Каментары