Biełarus Aleś Bialacki znoŭ vyłučany na Nobieleŭskuju premiju miru
Upieršyniu naš suajčyńnik traplaje ŭ śpis kandydataŭ na prestyžnuju premiju za zasłuhi pierad čałaviectvam niekalki hadoŭ zapar.
Siarod inšych kandydytaŭ nazyvajucca 15-hadovaja pakistanskaja dziaŭčyna Małała Jusufzaj i rasijskaja pravaabaronca Ludmiła Alaksiejeva.
1 lutaha skančajecca termin, kali Nobieleŭski kamitet prymaje prapanovy pa kandydaturach. Poŭny śpis kandydataŭ tradycyjna zastajecca zakrytym. Aficyjna apublikavany jon moža tolki praz 50 hadoŭ. Kolkaść kandydataŭ moža pieravyšać 200 čałaviek, jak i ŭ minułym hodzie.
Adnak try imieni stali viadomyja zahadzia. Dva narviežskija parłamientaryi vyłučyli staršyniu Maskoŭskaj Chielsinkskaj hrupy Ludmiłu Alaksiejevu i biełaruskaha pravaabaroncu Alesia Bialackaha.
«Jany aboje kinuli vyklik aŭtarytarnym dziaržaŭnym strukturam i niezakonnym złoŭžyvańniam uładaj», - skazaŭ adzin z parłamientaryjaŭ Jan Saner.
Bialackaha asudzili na 4,5 hoda turmy strohaha režymu nibyta za niaspłatu padatkaŭ. Nasamreč havorka išła pra hrošy, jakija jon źbiraŭ na dapamohu represavanym i paciarpiełym. Taksama jon kaardynavaŭ kampanii nazirańnia za vybarami.
Bialacki zastajecca źniavolenym u Babrujskaj turmie. Biełaruskija śpiecsłužby praciahvajuć kampaniju pa ačarnieńni jaho i jahonych kaleh. Tym nie mienš, jak bačym, heta nie zaduryła hałavy ludziam.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary