U Homieli vysialajuć ludziej, jakija atrymali kvatery ŭ vyniku machlarstva vyšejšych haradzkich čynoŭnikaŭ.
U skupoj infarmacyi, jakuju padaŭ u medyi Śledčy kamitet paśla aryštu eks-staršyni Homielskaha harvykankamu Viktara Pilipca, zhadvałasia pra 25 kvateraŭ, jakija haradzkija čynoŭniki raźmierkavali svajakam ci «patrebnym ludziam» pa zanižanych koštach. Potym niekatoryja ź ich pierapradali kvatery pa značna vyšejšych koštach.
Pradstaŭnik adnoj z haradzkich słužbaŭ paćvierdziŭ, što akurat hetyja kvatery i adsudžvaje ciapier harvykankam:
«U pryncypie, na ŭsich padali. Udałosia adsudzić na siońnia kali piatnaccaci kvateraŭ».
Heta ŭ pieršuju čarhu kvatery ŭ damach na vulicach Śvirydava, Hałavackaha, Mazurava, jakija budavalisia za biudžetnyja hrošy, a paźniej z padačy ŭpravy kapitalnaha budaŭnictva harvykankamu raźmiarkoŭvalisia «patrebnym ludziam». Kvatery ŭ pieršuju čarhu pryznačalisia haradžanam, čyje damy pajšli pad znos, a ziamlu zabrali na tak zvanyja ahulnaharadzkija patreby.
Specyjalisty harvykankamu nie žadajuć dzialicca infarmacyjaj nakont adsudžanych kvateraŭ, jakija, pavodle rašeńniaŭ sudu, viarnulisia nazad horadu:
«Ludzi niachaj abmiarkoŭvajuć, ale hetaja infarmacyja nie padlahaje ahałošvańniu».
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary