Nastupstvy stychii ŭ Marjinaj Horcy: admienienyja ŭsie aŭtobusnyja maršruty — foty
Pakul biez prablem vyjechać z horada možna na elektryčkach.
Marjinu Horku taksama zamiało. Jašče ŭčora kamunalniki kinuli na rasčystku vulic traktary i ludziej. Ranicaj u dvarach było kali nie całkam rasčyščana, to chacia b mielisia ściežki.
Ale krok uprava ci ŭleva — i pravališsia pa kalena ŭ śnieh.
Kaniečnie, ciažej u pryvatnym siektary: kali ŭ chacie niama kamu ŭziacca za šufal, to tak i daviadziecca da adlihi siadzieć i nie vychodzić — kamunalniki tudy dabiarucca, vidać, u apošniuju čarhu.
Subota — dzień dla pakupak. Ale rynak staić paŭpusty: začyniena dobraja pałova pałatak, i naviedvalnikaŭ mała. Zvyčajna ŭzbočyny kala rynku zastaŭlenyja aŭto — navat u miescach, dzie zabaroniena PDR. Siońnia mašyn mała. Zatoje ich bahata tam, dzie zvyčajna mienš — uzdoŭž centralnaj vulicy Kastryčnickaj. Numary roznyja: homielskija, mahiloŭskija, minskija, jość rasijskija i ŭkrainskija. Vidać, ŭ horad zajechali tyja, chto nie moh pa trasie Babrujsk-Minsk trapić u stalicu.
Na miascovaj aŭtastancyi admienienyja ŭsie aŭtobusnyja maršruty.
Pryvatniki prapanujuć prajechać pa rajonie — da najbolšaj vioski Puchavičy. Ceny, praŭda, nie nazyvajuć: maŭlaŭ, damovimsia. Šmat pa horadzie jeździć taksovak, jakija zvyčajna kučna stajać kala čyhunačnaj stancyi.
Zatoje čyhunka pracuje biez zbojaŭ. Pakul, prynamsi. Tam i tak na hetym tydni adbylisia źmieny, što prynieśli niazručnaści žycharam Marjinaj Horki.
Na rasčystku horada nakiravali sałdat — bałazie, majecca svaja vajskovaja častka.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady24
Kamientary