Наступствы стыхіі ў Мар’інай Горцы: адмененыя ўсе аўтобусныя маршруты — фоты
Пакуль без праблем выехаць з горада можна на электрычках.
Мар’іну Горку таксама замяло. Яшчэ ўчора камунальнікі кінулі на расчыстку вуліц трактары і людзей. Раніцай у дварах было калі не цалкам расчышчана, то хаця б меліся сцежкі.
Але крок управа ці ўлева — і правалішся па калена ў снег.
Канечне, цяжэй у прыватным сектары: калі ў хаце няма каму ўзяцца за шуфаль, то так і давядзецца да адлігі сядзець і не выходзіць — камунальнікі туды дабяруцца, відаць, у апошнюю чаргу.
Субота — дзень для пакупак. Але рынак стаіць паўпусты: зачынена добрая палова палатак, і наведвальнікаў мала. Звычайна ўзбочыны каля рынку застаўленыя аўто — нават у месцах, дзе забаронена ПДР. Сёння машын мала. Затое іх багата там, дзе звычайна менш — уздоўж цэнтральнай вуліцы Кастрычніцкай. Нумары розныя: гомельскія, магілёўскія, мінскія, ёсць расійскія і ўкраінскія. Відаць, ў горад заехалі тыя, хто не мог па трасе Бабруйск-Мінск трапіць у сталіцу.
На мясцовай аўтастанцыі адмененыя ўсе аўтобусныя маршруты.
Прыватнікі прапануюць праехаць па раёне — да найбольшай вёскі Пухавічы. Цэны, праўда, не называюць: маўляў, дамовімся. Шмат па горадзе ездзіць таксовак, якія звычайна кучна стаяць каля чыгуначнай станцыі.
Затое чыгунка працуе без збояў. Пакуль, прынамсі. Там і так на гэтым тыдні адбыліся змены, што прынеслі нязручнасці жыхарам Мар’інай Горкі.
На расчыстку горада накіравалі салдат — балазе, маецца свая вайсковая частка.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары