Milicyja previentyŭna zatrymała byłoha palitviaźnia pierad Dniom Voli.
Pra heta aktyvist «Maładoha fronta» i były palityčny viazień Uładzimir Jaromienak paviedamiŭ charter97.org.
«Na žal, mnie nie ŭdałosia paŭdzielničać u akcyi, prymierkavanaj da Dnia Voli.
Ja pavinien byŭ vyjści na volu paśla troch sutak aryštu na Akreścina, ale z Centra izalacyi pravaparušalnikaŭ mianie zabrali supracoŭniki Pieršamajskaha RUUS i dastavili ŭ adździeł, dzie ja prabyŭ da 15:00. Ja zusim niadaŭna viarnuŭsia dadomu», --padkreśliŭ były palitviazień.
Jon adznačyŭ, što źbirajecca abskardzić svoj aryšt u sudovym paradku.
«Biezumoŭna, kasacyjnaja skarha budzie padadziena, ale krychu paźniej. Ciapier u mianie jość šmat inšych spraŭ, jakija treba vyrašyć. Ja tolki što viarnuŭsia dadomu i navat nie čytaŭ navin. Paśla aryštu ŭ mianie byli prablemy sa zdaroŭjem, ale ciapier, na ščaście, ja adčuvaju siabie davoli dobra», -- skazaŭ na zakančeńnie aktyvist.
Nahadajem, byłoha palitviaźnia Uładzimira Jaromienka aryštavali pierad Dniom Voli na troje sutak.Da hetaha Sud Pieršamajskaha rajona Minska na 6 miesiacaŭ padoŭžyŭ previentyŭny nahlad u adnosinach da aktyvista «Maładoha frontu».
Uładzimir Jaromienak ŭ studzieni 2011 hoda byŭ aryštavany, jak padazravany pa spravie "ab masavych biesparadkach". Byŭ asudžany na try hady. Adbyvaŭ pakarańnie ŭ kałonii pad Viciebskam. U žniŭni 2011 hoda ŭ liku inšych fihurantaŭ byŭ pamiłavany. Z tych časoŭ jašče niekalki razoŭ apyniaŭsia za kratami pa administracyjnych artykułach.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary