Jeŭrapiejskamu Centrabanku varta było b vyklučyć z abaračeńnia kupiury ŭ 500 jeŭra. Z takoj prapanovaj vystupili analityki Bank of America.Jany ličać, što taki krok pryvioŭ by da źnižeńnia kursu jeŭra, što vyhadna dla miascovych eksparcioraŭ, pavyšeńniu VUP, a taksama dapamoh by zmahacca z arhanizavanaj złačynnaściu ŭ ES.
Kupiury ŭ 500 jeŭra — samyja «darahija» siarod usich kupiur dziesiaci samych papularnych valut śvietu. U Bank of America śćviardžajuć, što hramadzianie Jeŭropy imi amal nie karystajucca dla ździajśnieńnia pakupak.Analityki finansavaj arhanizacyi pryvodziać u daśledavańni žart, jaki cyrkuluje ŭ ES: niby kupiura ŭ 500 jeŭra padobnaja na Bin Ładena — usie viedajuć, što jana jość, ale nichto jaje nikoli nie bačyŭ.
Pavodle aficyjnaj infarmacyi Jeŭrapiejskaha CB, tolki treciaja častka z usich vypuščanych kupiur ŭ 500 jeŭra znachodzicca ŭ abaračeńni: astatnija lažać u bankach abo «pad matracam» jeŭrapiejcaŭ.Brytanskaje ahienctva pa baraćbie z arhanizavanaj złačynnaściu raniej zajaŭlała, što da 90% usich banknot ŭ 500 jeŭra znachodziacca ŭ rukach bandytaŭ.
U Bank of America prapanavali JECB abjavić, što kupiury ŭ 500 jeŭra abmieńvajucca na bolš drobnyja tolki da peŭnaha času i pry ŭmovie, što ich uładalniki zmohuć dakazać zakonnaść pachodžańnia srodkaŭ.Heta, ličać u banku, pazbaviła b złačyncaŭ značnaj častki ich srodkaŭ.
U JECB raniej nieadnarazova zajaŭlali, što banknoty ŭ 500 jeŭra hrajuć važnuju rolu ŭ ekanomicy i što adbirać ich rehulatar nie maje namieru.
Banknoty ŭ 500 jeŭra źjavilisia ŭ ES razam z banknotami inšaha naminału ŭ 2002 hodzie. Dla paraŭnańnia, u amierykanskaha dalara samy vialiki naminał — 100 dalaraŭ (kali nie ličyć rarytetnyja kupiury pačatku stahodździa bolšaj vartaści, jakija, adnak, pavinny prymacca jak srodak płaciažu va ŭsich kramach), u brytanskaha funta — 50 funtaŭ.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary