U Kantynientalnaj chakiejnaj lizie z nastupnaha hoda buduć vystupać dva novyja kłuby - kamanda z rasijskaha Uładzivastoku i zahrabski «Miedvieščak».
29 krasavika adbyłasia sustreča prezidenta KCHŁ Alaksandra Miadźviedzieva i kiraŭnictva «Miedvieščak».
***
«Miedvieščak» źjaŭlajecca adnym z najbolš viadomych kłubaŭ Centralnaj Jeŭropy. Jon byŭ zasnavany ŭ 1961 h. i vyjhraŭ try apošnija čempijanaty Juhasłavii (1989, 1990, 1991). 18 razoŭ stanaviŭsia čempijonam Charvatyi pa chakiei: 1995, 1997-2007, 2009-2013).
Z 2009 h. biare ŭdzieł u Aŭstryjskaj chakiejnaj lizie*.
U siezonie 2012-2013 Aŭstryjskaj chakiejnaj lihi u rehularnym čempijanacie finišavaŭ na 2-m miescy (44 hulni), tolki adno ačko sastupiŭšy lidaru «Vienie», ale ŭ płej-of vybyŭ u čverćfinale, prajhraŭšy «Zalcburhu» ŭ sieryi ź likam 3:2.
Za «Miedvieščak» hulaje šmat kanadcaŭ i amierykancaŭ, što majuć charvackija pašparty.Adna z arenaŭ kłuba - «Zahrab Arena» - adna z najbolšych u Jeŭropie, amal jak u Minsku, bo źmiaščaje 15 tys. hledačoŭ.
*
- Aŭstryjskaja chakiejnaja liha -- adkryty čempijanat, u jakim biare ŭdzieł 12 kamandaŭ, u tym liku pa adnoj charvackaj, vienhierskaj, češskaj i słavackaj.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary