Arhkamitet pa stvareńni partyi «Biełaruskaja chryścijanskaja demakratyja» (BCHD) zaklikaje biełarusaŭ nie pić na mohiłkach 14 maja, u dzień paminańnia pamierłych — Radaŭnicu.
«Apošnim časam vielmi raspaŭsiudžanym robicca zahanny zvyčaj užyvać ałkahol na mohiłkach, u tym liku i niepasredna na mahiłach. Pjanstva na mahiłach prodkaŭ nie jość ušanavańniem ich pamiaci, ale źjaŭlajecca tolki źniavahaju pamiaci minułych pakaleńniaŭ biełarusaŭ», — adznačajuć u BCHD.
Arhkamitet zaklikaje biełarusaŭ admovicca ad hetaj zvyčki i zrabić mohiłki zonaj, volnaj ad ałkaholu i pjanstva.
Razam z tym u BCHD padkreślivajuć, što ŭšanavańnie pamiaci pamierłych — heta «sprava važnaja i nieabchodnaja jak z chryścijanskaha punktu hledžańnia, tak i ahulnačałaviečaha». «Ušanavańnie pamierłych dapamahaje ludziam uzhadać pra svaje karani, pra svaju małuju radzimu, adčuć svaju łučnaść ź minułymi pakaleńniami», — ličać u BCHD.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary