Biełaruś admaŭlajecca supracoŭničać z AAN, bo niama «prafiesijnaj etyki ŭ jaje dziejnaści»
17 majapravaabaronca-viasnoviec Valancin Stefanovič nakiravaŭ ministru zamiežnych spraŭ Biełarusi Uładzimiru Makieju zvarot u suviazi ź nievykanańniem biełaruskaj dziaržavaj rašeńnia Pracoŭnaj hrupy pa advolnych zatrymańniach AAN u spravie Alesia Bialackaha.
Razam sa zvarotam ministru dasłany adkryty list Absiervatoryi pa abaronie pravaabaroncaŭ z patrabavańniem vykanańnia dadzienaha rašeńnia.
U rašeńni, pryniatym 31 žniŭnia 2012 hoda, Pracoŭnaja hrupa pryznała, što pazbaŭleńnie voli pravaabaroncy ivice-prezidenta Mižnarodnaj fiederacyi za pravy čałavieka Alesia Bialackaha źjaŭlajecca advolnym, i padkreśliła, što «adekvatnymi srodkami pravavoj abarony źjaŭlajecca vyzvaleńnie sp. Bialackaha i nadańnie jamu zakonnaha prava na kampiensacyju ŭ adpaviednaści z artykułam 9, punktam 5 Mižnarodnaha Pakta ab hramadzianskich i palityčnych pravach (MPHPP)».
Adnak biełaruski bok admaŭlajecca vykonvać hetaje rašeńnie ŭpłyvovaj mižnarodnaj arhanizacyi, zajaviŭšy zamiest hetaha, što nie bačyć sensu ŭ supracoŭnictvie z Pracoŭnaj hrupaj i abvinavaciŭšy jaje ŭ palityčnaj zaanhažavanaści. «Biełaruś zaŭsiody kanstruktyŭna staviłasia da ŭzajemadziejańnia z tematyčnymi pracedurami Savieta [Savieta pa pravach čałavieka AAN], pradstaŭlała na jaho adras usiu zaprošvajemuju infarmacyju.
Adnak u takich umovach z ulikam krajniaj palityčnaj anhažavanaści Pracoŭnaj hrupy, adsutnaści prafiesijnaj etyki ŭ jaje dziejnaści Biełaruś nie bačyć sensu dla dalejšaha ŭzajemadziejańnia z Pracoŭnaj hrupaj u jaje ciapierašnim składzie», — zajaviła ŭ svaim vystupie aficyjnaja delehacyja Respubliki Biełaruś padčas22-j siesii Savieta pa pravach čałavieka AAN, jakaja prachodziła sioleta ŭ sakaviku.
Patrabavańnie Pracoŭnaj hrupy ab vypraŭleńni stanovišča sp. Bialackaha i pryviadzieńni jaho ŭ adpaviednaść z normami i pryncypami, vykładzienymi va Usieahulnaj dekłaracyi pravoŭ čałavieka i MPHPP biełaruskaja delehacyja nazvała «umiašalnictvam va ŭnutranyja spravy dziaržavy»: «Razhladajem zaklučeńnie Pracoŭnaj hrupy pa spravie Bialackaha jak sprobu apraŭdać złačyncu šlacham pryličeńnia jaho da pravaabaroncaŭ, umiašalnictva va ŭnutranyja spravy suvierennaj dziaržavy».
Prymajučy da ŭvahi hetyja zajavy, Stefanovič, uśled za Absiervatoryjaj pa abaronie pravaabaroncaŭ, u svaim zvarocie da ministra zamiežnych spraŭ nahadvaje, što śpiecyjalnyja pracedury AAN (u tym liku Pracoŭnaja hrupa pa advolnych zatrymańniach) źjaŭlajucca dapamožnymi orhanami AAN.Jany byli stvorany Savietam pa pravach čałavieka AAN i padspravazdačnyja jamu. Siabry PHAZ abirajucca Kansultatyŭnaj hrupaj, jakaja pryznačajecca Savietam pa pravach čałavieka AAN, na padstavie viedaŭ i dośviedu ŭ halinie ich mandata, dobrasumlennaści, niezaležnaści i biesstaronnaści. Ich jurydyčnyja zaklučeńni, takija jak vyšejzhadanaje rašeńnie pa spravie Alesia Bialackaha, źjaŭlajucca rašeńniami AAN. Respublika Biełaruś jak
Akramia taho, pravaabaronca, spasyłajučysia na č. 5.11. Pałažeńnia ab Ministerstvie zamiežnych spraŭ, zaćvierdžanaha pastanovaj Savieta Ministraŭ Respubliki ad31.07.2006 № 978, padkreślivaje, što ŭ zadačy ministerstva ŭvachodzić i «kantrol za vykanańniem mižnarodnych damovaŭ Respubliki Biełaruś dziaržaŭnymi orhanami Respubliki Biełaruś i akazańnie sadziejničańnia ŭ vykanańni mižnarodnych damovaŭ Respubliki Biełaruś».
U suviazi z hetym Valancin Stefanovič prosić ministra zamiežnych spraŭ zabiaśpiečyć kantrol za vykanańniem rašeńnia Pracoŭnaj hrupy pa advolnych zatrymańniach AAN pa spravie Alesia Bialackaha, pryniać zachady pa sadziejničańni vykannaju dziaržaŭnymi orhanami Respubliki Biełaruś dadzienaha rašeńnia i paviedamić pra pryniatyja zachady ŭ paradku, praduhledžanym zakanadaŭstvam Respubliki Biełaruś.
Kamientary