U Hamburhu prezientavali novaje pakaleńnie siedana Mercedes S-Class — foty
Kancern Daimler pakazaŭ u Hamburhu novaje pakaleńnie fłahmanskaha siedana Mercedes S-Class, jakoje atrymała indeks W/V222, piša.
Navinka abstalavanaja mnostvam inavacyjnych sistem aktyŭnaj i pasiŭnaj biaśpieki, uklučna z funkcyjaj papiaredžańnia ab vyjeździe na pałasu sustrečnaha ruchu. Kiravać usimi najnoŭšymi funkcyjami S-Class možna budzie nie tolki z dapamohaj 12-calevaha sensarnaha ekrana na centralnaj kansoli, ale i tradycyjnymi knopkami.
U vyniku, u rasparadžeńni kiroŭcy i pasažyraŭ S-kłasa — cełych 156 kłaviš. Adnak dziakujučy ŭdałamu raźmiaščeńniu, ich bahaćcie nia kidajecca ŭ vočy. Naprykład, na centralnaj kansoli, znachodzicca tolki 19 knopak, zatoje na dźviery kiroŭcy źmiaściłasia adrazu 23 kłavišy.
Aŭtamabil zastaŭsia na raniejšaj kołavaj bazie (3035 mm i 3165 mm u viersii Long), ale troški vyciahnuŭsia ŭ daŭžyniu (5,116 m zamiest 5,076 m u zvyčajnaj i 5,25 zamiest 5,2 m u viersii Long). Kalaina piarednich kołaŭ stała šyrej na 24 mm (1624 mm), a zadnich — na 31 mm (1637 mm). Ahulnaja šyrynia mašyny 1899 mm, a vyšynia — 1496 mm.
Kamientary