U čaćvier 23 maja ŭ Hrodnie adbudziecca prezientacyja multymiedyjnaha vydańnia «Harodnia. 50 hod biez Fary Vitaŭta», jakoje pabačyła śviet u knižnaj sieryi «Haradzienskaja Biblijateka». Uvazie haradziencaŭ buduć pradstaŭlenyja kalarovaja brašura i dysk, dzie źmieščanyja ŭnikalnyja zdymki słavutaha chrama, jaho historyju i źniščeńnie, uspaminy haradziencaŭ, a taksama hruntoŭnyja daśledvańni biełaruskich i litoŭskich historykaŭ.
Bolš jak 50 hadoŭ tamu ŭ 1961 hodzie ŭ Hrodnie kamunistami byŭ zrujnavany adzin z najpryhažejšych katalickich chramaŭ našaha kraju - Fara Vitaŭta. Šaścisothadovaja historyja kaścioła nieparyŭna źviazanaja z historyjaj horadu. Śviatynia, jakaja pieražyła pažary, varožyja navały dy vajaŭničy ateizm, stała achviaraj haradzienskich uładaŭ. U noč na 29 listapada 1961 hoda leninhradszskija piratechniki vykanali rašeńnie №883 vykanamu haradskoha savietu «O mieroprijatijach po obrušieniju zdanija byvšieho vojennoho kostioła na Sovietskoj płoŝadi»...
Paśla prezientacyi adbudziecca dyskusija «Jeŭrapiejskaja architekturnaja spadčyna Biełarusi ŭ ideałahičnych vojnach XX-XXI st. Rasiejskaje, savieckaje staŭleńnie da architekturnaj tradycyi biełarusaŭ».
Udzieł u dyskusii voźmuć historyki-układalniki dyska i brašury «Harodnia. 50 hod biez Fary Vitaŭta», a taksama mastactvaznaŭca Siarhiej Chareŭski.
Kali 23 maja (čaćvier), pačatak a 18.30, Hrodna, vuł. Budzionnaha 48a (zała va ŭnutranym dvoryku).
Uvachod volny.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2626
Kamientary