Fest adbudziecca ŭ Polščy 19–20 kastryčnika 2013 h. Pryjom zajavak — da 1 vieraśnia 2013 h.
Dyrektar festyvalu Januš Haŭryluk patłumačyŭ, jak budzie adbyvacca festyval: «Čakajem filmaŭ ad maładych ducham, niezaležnych biełaruskich tvorcaŭ. Pieradusim zaležyć nam na karotkametražnym mastackim kino i dakumentalnych filmach. Sioleta konkurs jašče nia budzie padzieleny na katehoryi, bo adbudziecca tolki druhi raz i, ščyra kažučy, nam ciažka pradbačyć, jakija pryjduć filmy. Chacia jość ideja zrabić asobnuju ŭznaharodu ad niejkaj firmy dla dakumentalnaha filmu».
Siarod udzielnikaŭ buduć razyhranyja ŭznaharody:
Załataja Bulba 2013 — 2500 złotych
Srebnaja Bulba 2013 — 1500 złotych.
Bronzavaja Bulba 2013 — 1000 złotych
Festyval adbudziecca ŭ Varšavie treci raz. Pieršy byŭ «retraspektyvaj-marafonam» biełaruskaha kinematohrafu. Polskija amatary kino zmahli pabačyć filmy: Kudzinienki, Kananoviča, Aśluka, Adamovič, Kuciły i «Navinak». Hod tamu na mierapryjemstvie ŭpieršyniu byŭ konkurs. U konkursnaj častcy pakazali 19 biełaruskich filmaŭ. Biełaruska-polskaje žury (Kudzinienka, Žbankoŭ, Kurejčyk, Maciejeŭski, Kielar) tak i nia vyznačyła pieramožcu. Hałoŭny pryz — «Załataja Bulba» — tak nia byŭ pryznany nikomu. «Srebranyja Bulby» atrymali Arciom Łobač («Prostyja rečy») i Andrej Pałupanaŭ («Žyćcio u sumcy ŭ kletku»), «Bronzavuju Bulbu» — Aleś Łapo («Vandroŭnik nia vierniecca»)
U miežach festyvalu adbuducca majstar-klasy, a taksama kancert hurtu «NeuroDubel».
«Paśla dvuch hadoŭ pracy ŭ nas akreślilisia dźvie mety festyvalu Bulbamovie: pramocyja biełaruskaha kinematohrafu ŭ Polščy dy padtrymka i adukacyja maładych biełaruskich kinošnikaŭ», — raspavioŭ Januš Haŭryluk.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary