Staršyniu respublikanskaha hramadskaha abjadnańnia «Pierśpiektyva» Anatola Šumčanku aryštavali na 5 sutak. Pra heta paviedamiła namieśnica staršyni «Pierśpiektyvy» Volha Krumina. Šumčanku sudzili ŭ Centralnym sudzie, zaraz jaho pavinny nakiravać u turmu na Akreścina.
Nahadajem, što Šumčanka byŭ zatrymany razam z hrupaj žurnalistaŭ pa šlachu ŭ handlovy centr «Parkinh» u Minsku pryblizna a 12.30. Žurnalistaŭ nieŭzabavie adpuścili.
27 červienia drobnyja pradprymalniki abviaścili ahulnanacyjanalny strajk. Pastanovu ab jaho praviadzieńni pryniaŭ Forum pradprymalnikaŭ, pryśviečany pytańniam ukaranieńnia techničnaha rehłamientu Mytnaha sajuza «Ab biaśpiecy pradukcyi lohkaj pramysłovaści». Zhodna z hetym rehłamientam, PUPy pavinny mieć siertyfikaty na ŭvieś tavar, a z 1 lipienia 2014 hoda takija siertyfikaty buduć patrabavać i ad IP. Pradprymalniki śćviardžajuć, što taki padychod stavić ich u niaroŭnyja ŭmovy — u Rasii takoha supravadžeńnia nichto nie patrabuje.
Strajki prajšli ŭ Minsku i rehijonach. U Breście strajkujuć amal usie pradprymalniki. U Homieli bastujuć try rynki i handlovy centr. U Baranavičach i Pinsku zabastoŭku padtrymali bolš jak try tysiačy pradprymalnikaŭ.
U Minsku da strajku dałučylisia bolšaść kramak u roznych handlovych kompleksach.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary