Nacbank Biełarusi nie płanuje ŭ lipieni źnižać staŭku refinansavańnia, niahledziačy na toje, što inflacyja za červień prahnazujecca na ŭzroŭni kala 0,6%.Ab hetym paviedamiła staršynia praŭleńnia Nacyjanalnaha banka Biełarusi Nadzieja Jermakova.
Pytańnie pa staŭcy refinansavańnia budzie razhledžany ŭ bližejšy čas, adznačyła Nadzieja Jermakova. «Ja miarkuju, što ŭ lipieni staŭku pakul ruchać nielha», — skazała jana.
Dla hetaha pakul nie skłalisia nieabchodnyja ŭmovy, patłumačyła kiraŭnik Nacbanka.
U pryvatnaści, pamienšyŭsia prytok valuty ŭ krainu, u tym liku ad handlu tavarami i pasłuhami, u toj čas jak popyt na valutu z boku nasielnictva ŭ siezon adpačynkaŭ niekalki vyras.Kab nie źmianšać staŭki pa depazitach u biełaruskich rublach, u takich umovach metazhodna pakul nie źnižać staŭki refinansavańnia, adznačyła Nadzieja Jermakova.
Razam z tym pavyšać staŭku refinansavańnia taksama nie płanujecca, dla hetaha niama padstaŭ.Kiraŭnik Nacbanka vykazała nadzieju, što pytańnie ab dalejšym źnižeńni staŭki refinansavańnia zmoža być stanoŭča vyrašana ŭ žniŭni.
Staŭka refinansavańnia Nacbanka z 10 červienia źniziłasia na 1,5 pracentnaha punkta i składaje 23,5%.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary