Top-5 suvieniraŭ ź Biełarusi: jakija padarunki karystajucca najbolšaj papularnaściu?

Aficyjny sajt našaj krainy Belarus.by davodzić da zamiežnikaŭ, što Biełaruś zdaŭna słavicca ilnianymi tkaninami, simvaličnymi ručnikami, unikalnymi vyrabami z sałomy, hliny i dreva, valonkami i šapkami z aŭčyny.

«Naša Niva» pacikaviłasia ŭ handlaroŭ i turystaŭ, što, na ich dumku, pavinna ŭvajści ŭ sapraŭdny top-5 biełaruskich suvieniraŭ.

Pieršaje miesca: matroška

Biassprečnaje lidarstva na suvienirnymi rynku za… matrunkami. Handlovyja kropki na siarednim uzroŭni

HC «Stalica» prapanujuć bahaty asartymient na rozny hust i taŭščyniu kašalka.

Mienavita ŭ «Stalicu» pa suvieniry zavitaŭ turak Azhiur, jaki ŭpeŭnieny, što hałoŭny simvał Rasii i Biełarusi — mienavita matroška. Dadomu ŭ Antaliju jon pavioz adrazu piać maleńkich pryčapnych matrošak pa 28100 rubloŭ.

Pradavački pahadžajucca: chitom prodažaŭ kramy «Viernisaž padarunkaŭ» — najbujniejšaha suvienirnaha paviljona padziemnaha horada — stali mini-matroški.

Druhoje miesca: harełka

Piersanał dvuch firmovych kramaŭ «Kryštal» sychodzicca ŭ mierkavańni, što harełka «Minskaja» — ekspartny pradukt, raźličany na turystaŭ. Suvienirnaja butelka ŭ skuranoj «vopratcy» z vyjavaj Nacyjanalnaj biblijateki kaštuje 122 000 rubloŭ.

Niahledziačy na Ramadan, turak vyrašaje nabyć čatyry plaški harełki ŭ padarunak siabram. Azhiur pieražyvaje, što uziać bolš nie dazvolać pamiežniki. I raptam uzhadvaje, što jahony siabra niejak zdoleŭ pravieźci ŭ Turcyju ažno 15 butelek biełaruskaj harełki!

Heta dumka jaho padba-dzioryła, adnak zamiest suvienirnaj «Minskaj», hość z haračaha poŭdnia biare znajomuju na smak i pa formie butelki «Biełaviežskuju» za 44 000 rubleŭ.

Treciaje miesca: mahnity

Pakul zamiežnikam ciažkavata adšukać, dzie ŭ Minsku pradajucca suvieniry. Naprykład, mała chto z anhłamoŭnych turystaŭ zdahadvajecca, što mahniciki na ladoŭniu možna nabyć u kožnym kijosku «Biełsajuzdruku».

Kijaskiory pryznajucca, što najlepš biaruć tannyja mahnitnyja «paštoŭki» ź vidami Minska pa 6000 rubleŭ.

Jeść u Minsku i mahnity «na amatara»: u adnoj z pryvatnych kropak HC «Stalica» mahnity z partretami Pucina, Abamy i Stalina lažać pobač ź minskimi piejzažami. Kaštujuć adnolkava — pa 30 000 rubloŭ.

Čaćviortaje miesca: bializna

Firmovyja kramy «Lanok» prapanujuć dvuchspalnyja kamplekty paścieli z šeraha lnu pa 722 000 rubloŭ. Aršanskuju bializnu raskuplajuć našmat lepš za nacyjanalnyja biełaruskija ručniki. Asnoŭnyja klijenty — kitajcy i rasiejcy.

Piataje miesca: kieramika

Płakietka (hliniany kruhlak) z vyjavaj busła i nadpisam «Biełaruś» — suvienir numar adzin, ale papularnaść maje ŭ asnoŭnym siarod rasiejcaŭ. Kaštuje 52 050 rubloŭ.

Uvohule, našyja ŭschodnija susiedzi časta nabyvajuć suvieniry z nadpisami pa-biełarusku ci paznačanyja słovami «Biełaruś», «biełaruski». Napeŭna, jany razumiejuć heta jak znak jakaści.

Dadamo, što dyrekcyja čempijanatu śvietu pa chakiei padpisała 62 licenzijnyja damovy na vypusk tavaraŭ z aficyjnaj simvolikaj turnira. Status aficyjnaha pastaŭščyka suvienirnaj pradukcyi maje šviedskaja kampanija NEH. Ciapier sa šviedami ŭzhadniajucca ŭmovy pastavak i realizacyi suvieniraŭ. Niekatoryja tavary z łahatypam Minsk 2014 — naprykład, ściažki, znački i lnianyja survetki — užo možna nabyć u kramach.

• 0
• 0
• 0
• 0
• 0
• 0
• 0
• 0