Biełaruskich śpiecyjalistaŭ dla pracy z kitajskaj technikaj na «Kryčaŭcemientnašyfiery» pakul nie znajšli.
Niekalki dzion tamu biełaruski kiraŭnik naviedaŭ zavod u Mahiloŭskaj vobłaści. Na pradpryjemstvie A. Łukašenka ažyćciaviŭ simvaličny pusk novaj technałahičnaj linii pa vytvorčaści cemientu. Jaje mahutnaść składzie 1,8 młn ton u hod. Realizacyja maštabnaha inviestycyjnaha prajekta ažyćciaŭlałasia z pryciahnieńniem kredytaŭ kitajskaha boku i kredytnych resursaŭ, jakija pradstaŭlajucca biełaruskimi bankami.
Adnak aficyjnaje ahienctva, jakoje apublikavała videarolik pra vizit kiraŭnika, zabyłasia zhadać, što kitajskimi byli nie tolki srodki, pryciahnutyja dla pabudovy novaj linii. Nad jaje stvareńniem pracavali śpiecyjalisty z KNR, dla jakich pad Kryčavam, jak raniej paviedamlali ŚMI, byŭ pabudavany ceły «Čajnataŭn» — pasiołak, raźličany amal na 1000 čałaviek.
Miarkujučy pa videakadrach, kitajcy paśla zaviaršeńnia budaŭnictva zastalisia na zavodzie, kab absłuhoŭvać novuju technałahičnuju liniju.
Kamientary