Pasoł Polščy pryjechaŭ u Miensk i prystupiŭ da pracy. Upieršyniu z 2005 hodu.
Novy pasoł Polščy ŭžo pačaŭ pracavać, adnak pakul nieviadoma, kali jon pieradaść davierčyja hramaty Alaksandru Łukašenku.
Polšča nia mieła pasła ŭ Biełarusi ad vosieni 2005 hodu. Naziralniki źviartajuć uvahu na toje, što stasunki miž Biełaruśsiu j Polščaj byli ŭ hety čas chałodnymi.
Hienryk Litvin maje 48 hadoŭ, skončyŭ histaryčny fakultet Varšaŭskaha ŭniversytetu. Apošnim časam zajmaŭ pasadu namieśnika dyrektara Departamentu ŭschodniaj palityki MZS Polščy. Raniej zajmaŭ dyplamatyčnyja pasaŭy ŭ Lvovie, Rymie j Maskvie.
Polskija eksperty pa spravach Biełarusi padkreślivajuć, što Litvin — vydatny vybar. Jany adznačajuć jahonuju vydatnuju kampetencuju i abaznanaść va ŭschodniaj tematycy. Radyjo RMF FM nahadvaje, što raniejHienryk Litvin pryznaŭsia, što da 1989 hodu supracoŭničaŭ z specsłužbami.
Viadoma, što supracoŭničaŭ, heta zrazumieła. Heta šyrokaje aznačeńnie. Kožny kiraŭnik dyplamatyčnaha pradstaŭnictva maje kantakty z pradstaŭnikami specsłužbaŭ Respubliki Polščy.
Novaha pasła čakajuć u Miensku surjoznyja vykliki, bo ŭ apošni čas źvilisia abvinavačvańni ŭ tym, što polskaje pasolstva jość hniazdom zachodnich špiehaŭ. Litvin padkreślivaje, što chacieŭ by pierakanać biełaruskija ŭłady, što heta nia tak. Pasoł adznačyŭ, što heta pytańnie palityčnaj hulni. Pavodle jahonych słoŭ, abvinavačańni na adras polskich dyplamataŭ datyčać, siarod inšaha, ich kantaktaŭ ź niepryznanym uładami Źviazam palakaŭ na Biełarusi.
Biełaruś kaža pra heta — špiehaŭskaja dziejnaść, my — supracoŭnictva z našymi suajčyńnikami.
Ciapier čytajuć
Što adbyvałasia za kratami z zatrymanymi pa spravie ab padryvie rasijskaha samalota A-50 u Mačuliščach1
Kamientary