Chronika apazycyi za 6 — 12 vieraśnia

6 vieraśnia

Dažynki ŭ nadziejnych rukach

Moładzievaha aktyvista Kastusia Kuźniacova vyklikaŭ hałoŭny lekar Rečyckaj CRB, dzie toj pracuje. Načalnik razam z operupaŭnavažanym KDB, jaki pradstaviŭsia Alaksandram Ivanavičam, praviali razmovu, u jakoj nastojliva papiaredzili pra niedapuščalnaść akcyjaŭ u časie «Dažynak». Supracoŭnik KDB prasiŭ nikomu nie kazać pra razmovu.

Papiaredzili za fłeš‑mob

Studentka Haradzienskaha dziaržuniversytetu Viktoryja Vołkava atrymała papiare¬džańnie ad dekana Ivana Burłyki ŭ suviazi z zatrymańniami za ŭdzieł u niesankcyjanavanych akcyjach. Pavodle słovaŭ dekana, kali jaje zatrymajuć jašče raz, jana budzie adličanaja. I.Burłyka vyklikaŭ na razmovu baćkoŭ studentki, jakich, pavodle jaho słovaŭ, choča painfarmavać, u čym była zaŭvažana ich dačka i što moža stać pryčynaj jaje adličeńnia z VNU. Jon nia ličyć svaje dziejańni ciskam na studentku.

7 vieraśnia

Levanieŭski sudzicca z MUS

Lider pradprymalnikaŭ i były palitviazień Valer Levanieŭski vyklikaje ŭ sud pradstaŭnikoŭ Departamentu vykanańnia pakarańniaŭ MUS. Pryčyna — parušeńnie jaho pravoŭ padčas adbyvańnia pakarańnia. Raniej Levanieŭski padaŭ zvarot u Kamisiju pa pravach čałavieka AAN, u jakim abskardžvaje prysud sudu. V.Levanieŭski adsiedzieŭ dva hady za «abrazu prezydenta».

Vyklikaje KDB, zatrymlivaje milicyja

Haradzienskaha aktyvista Maksima Hubareviča prosta z pracy advieźli ŭ abłasnoje ŭpraŭleńnie KDB. Tam jaho dapytvali nakont pajezdki ŭ Litvu, u moładzievy lahier. Paśla vychadu z KDB Hubareviča zatrymali milicyjanty ź Leninskaha RUUS. U pastarunku na jaho skłali pratakoł za toje, što jon nibyta niecenzurna łajaŭsia ŭ hramadzkim miescy. Sud Leninskaha rajonu daŭ M.Hubareviču 3 sutak administracyjnaha aryštu. Prysud vyniesła sudździa Natalla Kozieł.

8 vieraśnia

Miron pavinšavaŭ z 8 vieraśnia

Niekalki hadzinaŭ łunaŭ bieł‑čyrvon‑bieły ściah nad Viciebskam. Jon byŭ uźniaty kala 11‑j viečara nad domam №10 pa praspekcie Frunze. Da ściahu była prymacavanaja cydułka z nastupnym tekstam: «Vinšuju ź Dniom biełaruskaj vajskovaj słavy. My abaviazkova pieramožam, jak našyja hieraičnyja prodki pad Voršaj, tamu što z nami ŭsiepieramožnaja kryvickaja Pahonia, a ŭ rukach my mocna trymajem bieł‑čyrvona‑bieły ściah. Žyvie Biełaruś, žyvie viečna!» i podpis: «Miron».

10 vieraśnia

5 sutak za Aršanskuju bitvu

Sakratar arhkamitetu pa stvareńni partyi «Biełaruskaja Chryścijanskaja Demakratyja» Dzianis Sadoŭski byŭ zatrymany 8 vieraśnia padčas śvia¬tkavańnia Dnia biełaruskaj vajskovaj słavy na Krapivienskim poli pad Voršaj i abvinavačany ŭ chulihanstvie i niepadparadkavańni supracoŭnikam milicyi. Aršanski sud pakaraŭ Sadoŭskaha aryštam na 5 sutak.

Zatrymańni ŭ Baranavičach

Pad ścienami baranavickaha sudu, dzie adbyvaŭsia praces pa spravie Jarasłava Hryščeni supracoŭniki milicyi zatrymali 22 čałavieki. Siarod ich K.Akopaŭ, T.Bułanava, Kisiel, S.Klujeŭ, Krapivina, A.Mieljaniec, K.Sałaŭjova, P.Sieviaryniec, Ł.Silucič, V.Smalančuk, U.Uścinovič, Z.Chviedaruk, H.Šapućka, T.Šapućka, I.Šyła, fotakarespandenty Viktar Dračoŭ (AFP), Vasil Fiadosienka (Reuters) dy Arsień Pachomaŭ. Paźniej u Baranavickim rajonnym sudzie byŭ pakarany administracyjnym aryštam na 17 sutak i štrafam u pamiery 20 b.a. moładzievy lider Pavał Sieviaryniec.

11 vieraśnia

Nie chadzicie, dzieci, u «Svabodny teatar»

Troch naviedvalnikaŭ spektakla 22 žniŭnia — niepaŭnaletnich navučencaŭ mienskich škołaŭ, zatrymanych milicyjaj, vyklikali va Ŭpraŭleńnie ŭnutranych spravaŭ i KDB, paviedamiła dyrektarka «Svabodnaha teatru» Natalla Kalada. U časie «razmovaŭ» školnikaŭ zapeŭnili, što jany nia zmohuć pastupić u VNU Biełarusi, a pry paŭtornym naviedvańni «Svabodnaha teatru» buduć «adličanyja sa škołaŭ». Papiaredzili j vykładčykaŭ dy studentaŭ VNU, a taksama aktoraŭ dziaržaŭnych teatraŭ.

12 vieraśnia

Ciem sutak za vykinuty ściah

Cprava Alesia Puškina i Alaksieja Janušeŭskaha, jakich zatrymali 9 vieraśnia padčas śviatkavańnia Dnia biełaruskaj vajskovaj słavy, razhladałasia dva dni. Spačatku ich vinavacili ŭ drobnym kradziažy — pavodle pratakołu, jany vykinuli dziaržaŭny ściah z vakna Aršanskaha RUUS. Paśla sudździa Rybakova zajaviła, što ŭčynak padsudnych nie adpaviadaje farmuloŭcy i dała siem sutak za drobnaje chulihanstva.

Nia dali pavinšavać Dziaržynskaha

Milicyja zatrymała moładzievych aktyvistaŭ Partyi BNF, što sprabavali zładzić fłeš‑mob kala pomnika Dziaržynskamu ŭ Miensku. U haradzkim adździele ŭnutranych spravaŭ milicyjanty pierapisali pa¬špartnyja źviestki zatrymanych, a paśla pryjezdu advakatki ŭsich adpuścili biez składańnia pratakołaŭ.

• 0
• 0
• 0
• 0
• 0
• 0
• 0
• 0