Dvaccać dva žychary Rečyckaha rajona Homielskaj vobłaści aštrafavanyja za parušeńnie zbarony trymać śviniej na asabistych padvorkach, jakija trapili ŭ tak zvanuju bufiernuju zonu.
Jak paviedamiŭ staršynia administracyjnaj kamisii Siarhiej Stašuk, ahulnaja suma štrafaŭ skłała 8,3 młn. rubloŭ. Minimalny štraf skłaŭ 100 tys. rubloŭ, maksimalny — 1,5 młn. rubloŭ. Paŭtornyja vypadki parušeńnia vieterynarnych praviłaŭ fizičnymi asobami na administracyjnaj kamisii nie razhladalisia.
Zhodna z pastanovaj Minsielhascharča № 30, u radyusie 5 kiłamietraŭ ad bujnych śvinakompleksaŭ zabaroniena trymać śviniej na asabistych padvorkach. Na terytoryi Rečyckaha rajona dva śvinakompleksy: u filijałach «Savieckaja Biełaruś» i «Dziemiechi» Rečyckaha kambinata chlebapraduktaŭ. Hetyja kompleksy pieraviedzienyja na zakryty režym funkcyjanavańnia, raspracavany płan pa abaronie pahałoŭja ad zaražeńnia afrykanskaj čumoj śviniej.
U Homielskim rajvykankamie paviedamili, što pakul administracyjnaja kamisija nikoha nie aštrafavała za parušeńnie vieterynarnych praviłaŭ. U Homielskim rajonie ŭ piacikiłamietrovuju zonu trapili niekalki nasielenych punktaŭ Ciaruchskaha, Prybytkoŭskaha, Uryckaha sielsavietaŭ. Na śvinakompleksach Homielskaha rajona «Sož» i «Paŭdniovy» ŭtrymlivajecca kala 130 tys. śviniej. Tut taksama pryniatyja miery pa prafiłaktycy čumy śviniej.
U Mazyrskim rajonie za čas dziejańnia pastanovy aštrafavana «niekalki čałaviek», skazali BiełaPAN u rajvykankamie.
Śvinavodstvam zajmajucca try haspadarki Mazyrskaha rajona. Da prykładu ŭ
U administracyjnaj kamisii Śvietłahorskaha rajvykankama paviedamili, što da ich pastupali pratakoły ab parušeńni praviłaŭ utrymańnia śviniej u suviazi z AČS, ale pratakoły nakiravanyja na dapracoŭku.
U Brahinskim rajonie nasielnictvu trymać śviniej možna pry ŭmovie vykanańnia prafiłaktyčnych mier. Chacia tut i nie było ačaha AČS, jak i va ŭsioj Homielskaj vobłaści, ale jašče viasnoj pa rašeńni vykankama było źniščana pahałoŭje na troch sielskahaspadarčych pradpryjemstvach. Śviniej tut było niašmat — kala 2,3 tys.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary