Staršynia Minharvykankama Mikałaj Ładućka ličyć nieabchodnym prymać radykalnyja miery pry nienaležnaj madernizacyi rynkaŭ. Ab hetym jon zajaviŭ na pasiadžeńni Minharvykankama.
U Minsku ŭ listapadzie 2012 hoda byŭ raspracavany i zaćvierdžany płan mierapryjemstvaŭ pa madernizacyi rynkaŭ na 2013–2015 hady. U cełym hetaja rabota pryznana zdavalniajučaj i vykonvajecca va ŭstanoŭlenyja terminy, za vyklučeńniem rynkaŭ «Malinaŭka», «Sierabranka», «Rakaŭski kirmaš» i «Uschod».
«Treba adabrać ziamli ŭ rynkaŭ, madernizacyja jakich pravodzicca nienaležnym čynam, i vystavić ich na aŭkcyjony z nastupnaj kampiensacyjaj vydatkaŭ uładalnikam.
Varta aformić horadabudaŭničyja pašparty z metaj kanfiskacyi ziamiel dla dziaržaŭnych patreb,- skazaŭ Mikałaj Ładućka. — Treba prapanoŭvać radykalnyja miery, adnych vymoŭ niedastatkova».
Načalnik upraŭleńnia handlu i pasłuh Minharvykankama Aksana Kanstancinovič adznačyła, što pa rynku «Uschod» užo składzieny horadabudaŭničy pašpart, rychtujecca rašeńnie na vystaŭleńnie ziamli na aŭkcyjon.
Siarod prablemnych momantaŭ madernizacyi staličnych rynkaŭ jana nazvała nievykanańnie madernizacyi handlovych miescaŭ dla prodažu niecharčovych tavaraŭ i sielhaspradukcyi na adkrytaj terytoryi rynku «Rakaŭski kirmaš», rekanstrukcyju paviljona № 1 rynku «Malinaŭka».
Kamientary