Prezident Parłamienckaj asamblei Rady Jeŭropy abviaściŭ Alesia Bialackaha, jaki asudžany na 4,5 hoda, łaŭreatam premii imia Vacłava Haŭła na vosieńskaj siesii ŭ Strasbury.
Meta premii Vacłava Haŭła — zaachvočvańnie vydatnych dziejačoŭ hramadzianskaj supolnaści ŭ abaronie pravoŭ čałavieka ŭ Jeŭropie i za jaje miežami.
Inšymi kandydatami na premiju byli Asacyjacyja maładych jurystaŭ (Hruzija), Sietka abarony pravoŭ (Kitaj). Premiju ŭručajuć štohod.
Pamier uznaharody — 60 tysiač jeŭra.
Premiju za A.Bialackaha atrymlivaje jaho žonka, Natalla Pinčuk.
Za apošni čas Aleś Bialacki, jaki znachodzicca za kratami, atrymaŭ niekalki ŭznaharodaŭ: uznaharodu imia Pietry Kieli, uznaharodu Lecha Valensy, premiju partału «Chartyja'97» za vybitnyja dasiahnieńni ŭ halinie abarony pravoŭ čałavieka za 2012 hod.
Aleś Bialacki byŭ zatrymany ŭ Minsku 4 žniŭnia 2011 hoda.
U listapadzie 2011 h. sud pryznaŭ jaho vinavatym va ŭtojvańni dachodaŭ u asabliva bujnym pamiery i asudziŭ da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści (u Babrujskaj № 2).
Padstavaj dla kryminalnaha pieraśledu stała najaŭnaść u Bialackaha zamiežnych bankaŭskich rachunkaŭ, srodki ź jakich vykarystoŭvalisia dla pravaabarončaj dziejnaści. Adkryć rachunki ŭ Biełarusi nie ŭjaŭlałasia mahčymym, tak jak centr «Viasna» pracuje nielehalna — ŭłady nieadnarazova admaŭlali ŭ aficyjnaj rehistracyi arhanizacyi.
Sud taksama nie pryniaŭ da ŭvahi toje, što škoda, jakuju nibyta nanios dziaržavie Bialacki, była całkam pahašana za košt dobraachvotnych achviaravańniaŭ hramadzian.
Pakarańnie adbyvaje ŭ Babrujskaj kałonii №2 (vuł. Sikorskaha 1, VK-2, atrad 14, Babrujsk, 213800).
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla13
Kamientary