Suprać kaho budziem siabravać z Saakašvili?

U aficyjnaha Miensku ciapier novy siabra. Jak ni dziŭna, jon nia ź Blizkaha Ŭschodu i nie z Łacinskaj Ameryki. «Chałodnaja vajna» z Kramlom prymusiła kiraŭnika biełaruskaj dziaržavy šukać siabroŭ i chaŭruśnikaŭ siarod niadaŭnich vorahaŭ. Łukašenka paličyŭ nieabchodnym aktyvizavać supracoŭnictva z…hruzinskim prezydentam Michaiłam Saakašvili.

I heta pry tym, što ni ź jakoj inšaj dziaržavaj, utvoranaj paśla raspadu SSSR, u Biełarusi nie było nahetulki naciahnutych adnosinaŭ, jak z Hruzijaj. Asabliva paśla taho, jak tam adbyłasia «revalucyja ružaŭ». Dziaržaŭnaja prapahandysckaja mašyna RB abrynułasia tady na hetuju zakaŭkaskuju krainu ŭsioj svajoj mahutnaściu. Hruzii dastałosia navat bolej, čym potym «aranžavaj» Ukrainie.

Paśla taho, jak tam adbyłasia «revalucyja ružaŭ». Hruzii dastałosia navat bolej, čym potym «aranžavaj» Ukrainie.

Z taho času aficyjnyja asoby ŭ RB nie skazali pra Hruziju litaralna nivodnaha dobraha słova. Dziaržaŭnyja ŚMI navat stavili pad sumnieŭ zakonnaść prychodu Saakašvili da ŭłady.

«Vybary pierastajuć słužyć nadziejnym sposabam vyrašeńnia pytańnia ab uładzie. Nienaturalnaje, a čaściakom i hvałtoŭnaje ich zaviaršeńnie stanovicca amal normaj…Hetaja łancuhovaja reakcyja, jak viadoma, pačałasia ŭ ZŠA, dzie Dž. Buš—małodšy staŭ u 2000 hodzie prezydentam pry vielmi sumnieŭnym vyniku vybaraŭ. Zatym amerykanski dośvied pieraniali ŭ SND: 2003 h. — Hruzija, 2004 h. — Ukrajina, 2005 h. — Kyrhyzstan», — pisała hazeta administracyi prezydenta RB «Sovietskaja Biełoruśsija».

Z «kalarovymi revalucyjami» ŭsio zrazumieła — u Biełarusi nabližalisia svaje prezydenckija vybary, i ŭłady ŭsimi siłami imknulisia praduchilić mahčymaść raźvićcia padziejaŭ pavodle analahičnaha scenaru. Tamu treba było pierakanać svaich hramadzianaŭ u tym, što akurat u tych krainach, dzie hetyja revalucyi adbyvajucca, u vyniku hublajecca stabilnaść, a na źmienu joj iduć chaos i nendza.

Pavialičyć

Toj fakt, čto ŭsio heta, miakka kažučy, nie adpaviadaje rečaisnaści, ajčynnych ideolahaŭ chvalavała mała. Z ekranaŭ BT i staronak hazet štodnia liŭsia brud i na novaje kiraŭnictva Hruzii, i na novaje kiraŭnictva Ŭkrainy.

Panujučamu režymu ŭdałosia nie dapuścić u Biełarusi navat namioku na revalucyju i zachavać status‑kvo (isnujučaje stanovišča). Ale ž Hruzii j jaje prezydentu dastałosia, što nazyvajecca, pa poŭnaj prahramie.

Čaho varty chacia b taki zahałovak artykuła ab sytuacyi ŭ hetaj krainie ŭ zhadanaj «SB»: «Čornyja dni ružovaha Mišy».

Podlivała masła ŭ ahoń i Rasieja, u jakoj z Hruzijaj ułasnyja daŭnija rachunki.

Svajho piku biełaruska‑hruzinskaje supraćstajańnie dasiahnuła akurat padčas letašnich prezydenckich vybaraŭ u Biełarusi. Tady KDB na čale z Sucharenkam raskryŭ «zmovu» z udziełam «terarystaŭ», jakija źbiralisia atrucić vadapravod, kinuŭšy ŭ jaho dochłych pacukoŭ. Alaksandar Łukašenka asabista paviedamiŭ śvietu pra plany niejkich «hruzinskich admarozkaŭ», jakija, nibyta, źbiralisia ŭziać udzieł u padrychtoŭcy «kalarovaj revalucyi» ŭ Biełarusi. U mienskim aeraporcie byli zatrymanyja, a potym departavanyja ŭ Tbilisi niekalki hruzinskich deputataŭ. Siabry hruzinskaj maładziovaj arhanizacyi, a taksama žurnalisty, jakim udałosia patrapić u Miensk, byli aryštavanyja na niekalki sutak.

Maskva, tym časam, padšturchoŭvała ŭłady RB, kab jany ŭśled za Rasiejaj uviali vizavy režym u adnosinach da Hruzii.

Sa svajho boku, hruzinskija lidery nie strymlivalisia ŭ epitetach na adras uładaŭ RB. Naprykład, śpikier hruzinskaha parlamentu Nino Burdžanadzie zajaŭlała: «ciapierašnija biełaruskija ŭłady znachodziacca ŭ ahonii j robiać nieadekvatnyja kroki», a prezydent Saakašvili ŭ svaim artykule ŭ hazecie New York Times pisaŭ ab tym, što «režym Alaksandra Łukašenki, jaki pravić z dapamohaj strachu, sam baicca svajho narodu».

U svoj čas Michaił Saakašvili navat vykazvaŭ namier vyzvalić biełarusaŭ ad «režymu Łukašenki», zaručyŭšysia padtrymkaj litoŭskaha prezydenta Vałdasa Adamkusa.

(Darečy, varta nahadać, što Saakašvili atrymaŭ vyšejšuju adukacyju ŭ ZŠA, bliskuča vałodaje anhielskaj movaj i aryjentujecca ŭ svajoj źniešniaj palitycy na Vašynhton).

U svoj čas Michaił Saakašvili navat vykazvaŭ namier vyzvalić biełarusaŭ ad «režymu Łukašenki»

I voś sytuacyja niečakana pamianiałasia na 180 hradusaŭ. 17 vieraśnia, padčas sustrečy ŭ Miensku ź ministram unutranych spravaŭ Hruzii Ivanam Mierabišvili, Łukašenka zajaviŭ, što jon «vielmi rady…padvieści rysu pad peryjadam chaosu, biazładździa, vyznačeńnia ŭzroŭniu našych dvuchbakovych adnosinaŭ». Zabaŭna, što pry hetym kiraŭnik dziaržavy adznačyŭ, byccam u jaho z Saakašvili «skłalisia vielmi dobryja adnosiny». Niaŭžo paśla tych kamplimentaŭ adno adnamu?

«My vyznačylisia, śviedčańniem hetaha jość adkryćcio vašaha pasolstva ŭ Miensku i adkryćcio nieŭzabavie našaha pasolstva ŭ Hruzii», — zajaviŭ Alaksandar Łukašenka. Jon padkreśliŭ, što biełaruski bok «poŭny rašučaści adnavić i prymnožyć adnosiny, navat zrabić ich bolš vysokimi ŭ paraŭnańni z savieckim peryjadam» i nastrojeny «na dobryja ŭzajemaadnosiny z hruzinskimi bratami».

Praŭda, z paviedamleńniaŭ dziaržaŭnych ŚMI nia vielmi zrazumieła — ci spynić ciapier Hruzija «treniroŭki terarystaŭ» na svaich bazach z metaj adchileńnia kiraŭnika RB ad ułady?

A kali surjozna, dyk my nazirajem sapraŭdy kruty viraž u źniešniaj palitycy Biełarusi. Siabry stanoviacca vorahami, a ŭčorašnija vorahi — najlepšymi siabrami.

Pryčyna takoha maneŭru — u «chałodnaj vajnie» z Rasiejaj, jakaja pačałasia ŭzimku 2006 hodu, z rostu cenaŭ na rasiejskija enerhanośbity.

Tak što i padstavy «braterskaj družby» z Saakašvili vidavočnyja. U jaje asnovie — žadańnie pakazać Rasiei fihu: maŭlaŭ, nia chočacie z nami siabravać (to bok, finansavać naš «ekanamičny cud») — budziem siabravać z vašymi vorahami. Nijakich inšych razumnych tłumačeńniaŭ biełaruska‑hruzinskamu dyplamatyčnamu praryvu niama j nia moža być.

Hetak sprava dojdzie i da ŭstupleńnia ŭ NATO i da adradžeńnia idei Čarnamorska‑Bałtyjskaha kalektara

Hetak sprava dojdzie i da ŭstupleńnia ŭ NATO i da adradžeńnia idei Čarnamorska‑Bałtyjskaha kalektara — svajho rodu paktu prybałtyjskich dziaržavaŭ, Biełarusi i Ŭkrainy, jaki adrezaŭ by Rasieju ad Eŭropy.

Nastupnym na čarzie siarod patencyjnych siabroŭ, badaj, staić prezydent ZŠA Džordž Buš.

Choć naŭrad ci ciopłyja słovy Łukašenki na adras Saakašvili pramaŭlalisia ad ščyraha serca. Ale ž sam fakt šmat pra što havoryć. Naprykład, pra niaŭpeŭnienaść siońniašnich uładaŭ Biełarusi. I pra toje, što Biełaruś užo nia zmoža zastavacca takoj, jakoj była apošnija 13 hadoŭ.

U lubym vypadku, samo źjaŭleńnie ŭ Miensku pasolstva Hruzii dy mahčymaść bolš tryvałych kantaktaŭ biełarusaŭ z hetaj krainaj — fakt, biezumoŭna, pazytyŭny.

Hieorhi Andronaŭ, Hazeta «Svaboda»

• 0
• 0
• 0
• 0
• 0
• 0
• 0
• 0