Kab suniać moładź, učastkovamu daviałosia dastać pistalet.
Zdareńnie adbyłosia z suboty na niadzielu ŭ pasiołku Enierhietyk. Miascovyja žychary paskardzilisia ŭ milicyju, što na aŭtobusnym prypynku šumić moładź.
«Paśla prybyćcia na miesca supracoŭniki milicyii zaśpieli kampaniju maładych ludziej, jakija pavodzili siabie davoli šumna, a z dynamikaŭ pryparkavanych aŭto hrymieła muzyka. Bolšaść ź ich znachodziłasia ŭ stanie ałkaholnaha apjanieńnia», — paviedamili ŭ pres-słužbie UUS Minabłvykankama.
Na zaŭvahi milicyjantaŭ moładź adkazała maciukami. Kali ŭčastkovy najbolš ahresiŭnamu maładzionu paviedamiŭ pra jaho zatrymańnie, toj ź siabrami kinuŭsia bicca ź milicyjantami.
Učastkovy čatyry razy vystraliŭ u pavietra, ale heta nie sucišyła chulihanaŭ. I tady dvuma strełami jon paraniŭ u nahu zavadatara.
Paśla stralby moładź źjechała. Adnu mašynu ŭdałosia zatrymać praź piatnaccać chvilin.
Paranieny — 26-hadovy žychar stalicy — znachodzicca ŭ balnicy. Dvoje jahonych siabroŭ, 1990 i 1991 h.n., zatrymany i źmieščany ŭ izalatar. Asoby astatnich vaśmi čałaviek, što brali ŭdzieł u incydencie, ustanoŭleny.
Zaviedziena kryminalnaja sprava za supraciŭ supracoŭnikam milicyi. Chłopcam pahražaje da piaci hadoŭ kałonii.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary