Каб суняць моладзь, участковаму давялося дастаць пісталет.
Здарэнне адбылося з суботы на нядзелю ў пасёлку Энергетык. Мясцовыя жыхары паскардзіліся ў міліцыю, што на аўтобусным прыпынку шуміць моладзь.
«Пасля прыбыцця на месца супрацоўнікі міліцыіі заспелі кампанію маладых людзей, якія паводзілі сябе даволі шумна, а з дынамікаў прыпаркаваных аўто грымела музыка. Большасць з іх знаходзілася ў стане алкагольнага ап’янення», — паведамілі ў прэс-службе УУС Мінаблвыканкама.
На заўвагі міліцыянтаў моладзь адказала мацюкамі. Калі ўчастковы найбольш агрэсіўнаму маладзёну паведаміў пра яго затрыманне, той з сябрамі кінуўся біцца з міліцыянтамі.
Участковы чатыры разы выстраліў у паветра, але гэта не суцішыла хуліганаў. І тады двума стрэламі ён параніў у нагу завадатара.
Пасля стральбы моладзь з’ехала. Адну машыну ўдалося затрымаць праз пятнаццаць хвілін.
Паранены — 26-гадовы жыхар сталіцы — знаходзіцца ў бальніцы. Двое ягоных сяброў, 1990 і 1991 г.н., затрыманы і змешчаны ў ізалятар. Асобы астатніх васьмі чалавек, што бралі ўдзел у інцыдэнце, устаноўлены.
Заведзена крымінальная справа за супраціў супрацоўнікам міліцыі. Хлопцам пагражае да пяці гадоў калоніі.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае26
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары