Kala 100 tys. čałaviek vyjšli na antyŭradavyja akcyi pratestu ŭ Banhkoku, niahledziačy na rospusk parłamienta, paviedamlaje ŭ paniadziełak internet-sajt tajłandskaj haziety «Banhkok post».
Pa źviestkach vydańnia, demanstranty nakiravalisia da doma ŭrada z roznych kancoŭ stalicy Tajłanda.
Raniej kiraŭnik urada Jinhłak Čynavat abviaściła pra rospusk parłamienta i pryznačeńnie daterminovych vybaraŭ deputataŭ, jakija pavinny adbycca na praciahu 60 dzion. Pavodle kanstytucyi Tajłanda, u hetym vypadku ŭrad stanovicca časovym.
Tym nie mienš, apazicyjnyja lidary zajavili ab tym, što hetaha niedastatkova, i zapatrabavali nieadkładnaha sychodu Čynavat z pasady premjera, a taksama stvareńnia «narodnaj rady».
Antyŭradavyja vystupy ŭ Tajłandzie praciahvajucca ŭžo kala dvuch tydniaŭ.
Demanstranty vystupajuć suprać urada J.Čynavat — siastry byłoha premjera Taksina Čynavata, jaki pakinuŭ krainu paśla vajennaha pieravarotu 2006 hoda. Na dumku pratestoŭcaŭ, J.Čynavat pradstaŭlaje intaresy svajho brata i źjaŭlajecca jaho maryjanietkaj.
Padstavaj dla demanstracyj pasłužyła sproba kirujučaj partyi «praciahnuć» praz parłamient zakon ab usieahulnaj amnistyi, jaki dazvoliŭ by T.Čynavatu viarnucca na radzimu i ŭ palityku.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»32
Kamientary