Indeks spažyvieckich cen na tavary i pasłuhi (inflacyja) u listapadzie 2013 hoda ŭ paraŭnańni z kastryčnikam vyras na 1,6%, sa śniežniem 2012 hoda — na 13,8%, paviedamili ŭ pres-słužbie Nacyjanalnaha statystyčnaha kamiteta.
Aficyjny hadavy prahnoz inflacyi składaje 12%.
Ceny na charčovyja tavary pavialičylisia ŭ paraŭnańni z kastryčnikam na 1,2%, sa śniežniem 2012 hoda — na 10,9%. Bolš za ŭsio ŭ listapadzie ŭ paraŭnańni z papiarednim miesiacam padaraželi: bulba — na 5,6%; aharodnina — na 4,6%; muka pšaničnaja — na 5,3%; makaronnyja vyraby — na 3,1%; frukty — na 2,2%; jajki — na 3,3%; masła — na 2,9%; harbata — na 2,2%. U toj ža čas źniziłasia na 1% cana na alej.
Ceny na niecharčovyja tavary ŭ listapadzie ŭ paraŭnańni z kastryčnikam pavialičylisia na 0,6%, sa śniežniem 2012 hoda — na 6,8%. Bolš za ŭsio ŭ listapadzie padaraželi: miedykamienty — na 1,3%; sintetyčnyja myjnyja srodki — na 1,1%; mebla — na 1%.
Taryfy na płatnyja pasłuhi pavysilisia za miesiac na 3,7%, u paraŭnańni sa śniežniem 2012 hoda — na 32,7%. Bolš za ŭsio ŭ listapadzie padaraželi: žyllova-kamunalnyja pasłuhi — na 4%, u tym liku hazazabieśpiačeńnia — na 28%, vodazabieśpiačeńnia — na 1,5%; pasłuhi pasažyrskaha transpartu — na 2,6%, u tym liku mižrehijanalnaha pasažyrskaha — na 28,1%; suviazi — na 7,2%; daškolnych ustanoŭ — na 16%; kinateatraŭ — na 7,4%; teatraŭ — na 4,2%; kancertnych arhanizacyj — na 7,2%. Pasłuhi pavietranaha transpartu patańnieli na 0,6%, čyhunačnych mižnarodnych znosinaŭ — na 3,1%.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary