Kandydat ad levacentrystaŭ Mišel Bačelet pieramahła ŭ druhim tury prezidenckich vybaraŭ u Čyli.
Pavodle vynikaŭ apracoŭki źviestak z bolš za 90% učastkaŭ, u Bačelet 62% hałasoŭ vybarščykaŭ, a ŭ jaje supiernicy Evielin Matei ad kiroŭnaha kansiervatyŭnaha «Aljansu za Čyli» — bolš za 37%.
Mišel Bačelet užo była kiraŭnikom dziaržavy ŭ 2006—2010 hadach, uvajšoŭšy ŭ historyju jak pieršaja žančyna na pasadzie prezidenta Čyli.
Pavodle kanstytucyi, jana nie mieła prava zajmać prezidencki fatel bolš za adzin terminu zapar, ale mahła pieraabiracca na novy termin paśla pierapynku.
Abiedźvie kandydatki źjaŭlajucca dočkami hienierałaŭ, jakija stali palityčnymi apanientami paśla prychodu da ŭłady hienierała Pinačeta.
U dziacinstvie Bačelet i Matei, jakija žyli pa susiedstvie, čaściakom hulali razam na avijabazie, dzie pracavali ich baćki.
Paśla putču 1973 h. baćka Evielin Matei, Fiernanda staŭ kiraŭnikom vajennaj akademii. Baćka Bačelet Albierta, jaki byŭ prychilnikam Aljende, byŭ aryštavany i praz paŭhoda pamior u turmie, raźmieščanaj u murach hetaj navučalnaj ustanovy, jak miarkujuć, nie vytrymaŭšy katavańniaŭ.
62-hadovaja Bačelet, jakaja staić na čale kaalicyi sacyjalistaŭ, chryścijan-demakrataŭ i kamunistaŭ, pabudavała svaju pieradvybarčuju kampaniju na abiacańniach pamienšyć razryŭ pamiž bahatymi i biednymi.
Čyli — adna z najbahaciejšych krain Łacinskaj Amieryki, adnak u apošnija hady tut raście pratestny ruch z patrabavańniem bolš spraviadlivaha raźmierkavańnia dachodaŭ i dostupu da adukacyi.
Bačelet prapanuje pavysić padatki dla karparacyj i zabiaśpiečanych słajoŭ nasielnictva, kab zrabić vyšejšuju adukacyju biaspłatnaj, a taksama refarmavać palityčnyja i ekanamičnyja śfiery, dzie mnohaje zastałosia niaźmiennym z časoŭ dyktatury Pinačeta, jaki kiravaŭ krainaj z 1973 pa 1990 hady.
Jaje ciapierašniaja prahrama značna bolš radykalnaja, čym papiaredniaja.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary