Pavodle źviestak Nacyjanalnaha statystyčnaha kamiteta, tavaraabarot Biełarusi z krainami Jeŭrapiejskaha sajuza ŭ studzieni—kastryčniku 2013 hoda źniziŭsia na 23,8% i skłaŭ 17 młrd. 672,8 młn. dołaraŭ. Letaś za hety pieryjad tavaraabarot, naadvarot, vyras na 18,5%.
Za studzień—kastryčnik hetaha hoda ekspart u ES pamienšyŭsia na 42,7% (9 młrd. 43,4 młn. dołaraŭ), impart — vyras na 16,5% (8 młrd. 629,4 młn. dołaraŭ). Stanoŭčaje salda skłała 414 młn. dołaraŭ.
Asnoŭnymi handlovymi partniorami Biełarusi ŭ studzieni—kastryčniku źjaŭlalisia: Rasija — 49,2% usiaho abjomu tavaraabarotu; Ukraina — 7,9%; Hiermanija — 6%; Niderłandy — 5,3%; Kitaj — 4,2%; Polšča — 2,9%; Italija — 2,5%; Litva — 1,9%; Złučanaje Karaleŭstva — 1,5%; Kazachstan — 1,2%.
Ekspart tavaraŭ u Rasiju skłaŭ 13 młrd. 966,1 młn. dołaraŭ ZŠA, što na 4,5% bolš, čym za studzień—kastryčnik 2012 hoda, impart z Rasii — 18 młrd. 855,3 młn. (na 19,2% mienš).
Abjom ekspartu va Ukrainu skłaŭ 3 młrd. 525,3 młn. dołaraŭ (na 24,8% mienš), impartu ŭ Biełaruś — 1 młrd. 738,8 młn. (na 9,1% mienš).
U Niderłandy ekspartavana tavaraŭ na 3 młrd. 202,3 młn. dołaraŭ (na 54,1% mienš za pakazčyk studzienia—kastryčnika 2012 hoda), impartavana — na 363,6 młn. (na 1,2% bolš).
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary