U biełaruskim kalendary pra Chałakost raskazali cytataj Achmadziniežada
U Biełarusi razhareŭsia skandał vakoł pierakidnoha kalendara, nadrukavanaha ŭ Minskaj vobłaści.
Pamiatnyja daty tam supravadžajucca cytatami, i 27 studzienia, dzień pamiaci achviar Chałakostu, adznačany vykazvańniem eks-prezidenta Irana Machmuda Achmadziniežada pra toje, što heta «chłuśnia» i płod «mifičnych śćvierdžańniaŭ».
Skandalny kalandar nadrukavany nakładam 20 tysiač asobnikaŭ drukarniaj «Pieramoha» z Maładziečna.
Drukarnia paabiacała pieradrukavać nakład, dyrektar prynios prabačeńni z hetaj nahody i adznačyŭ, što vyklučyć niaŭdałyja staronki budzie niaprosta: «My ŭžo pracujem nad zamienaj staronki. Inšaja reč, što technična heta vielmi i vielmi składana budzie vykanać, uličvajučy, što častka kalendaroŭ užo ŭ prodažy. My taksama razasłali listy tym, chto ŭžo ich zakupiŭ. Usio pytańnie ciapier u łahistycy, a mienavita jak adpravić usim hetyja staronki. Składańniem kalendara zajmaŭsia małady supracoŭnik, my pakul nie viedajem, čamu mienavita hetaja cytata trapiła ŭ kalandar».
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary