Staŭ viadomy źmiest navahodniaha vinšavańnia Łukašenki biełaruskamu narodu
Zvarot budzie pakazany ŭ 23:50 pa biełaruskich telekanałach.
«Nasupierak prykmietam trynaccaty hod novaha stahodździa nie staŭ nieščaślivym, — havorycca ŭ vinšavańni. — My pražyli hety hod na adnym dychańni, jak adzinaja vialikaja siamja. Kožny z nas adčuvaŭ siabie nieadjemnaj častkaj vialikaha i hordaha cełaha, imia jakomu — Biełaruś. My sercam adčuli hetaje jadnańnie ŭ chviliny pryniasieńnia śviatoj klatvy na płoščy Dziaržaŭnaha ściaha».
«My (…) časam navat nie ŭśviedamlajem, jakoje heta nasamreč vialikaje, nieacennaje ščaście — žyć na svajoj ziamli, svabodna dychać jaje pavietram, pić jaje kryštalnuju vadu i adčuvać siabie adnačasova jaje lubimym synam i kłapatlivym haspadarom. I viedać, što nad takoj nie ŭładny nichto, akramia tvajho rozumu i tvajho sumleńnia. Toje, što hetaje ščaście ŭ nas jość, što nam udałosia adstajać jaho, napaŭniaje našy sercy ŭpeŭnienaściu i nadziejaj», — adznačaje biełaruski kiraŭnik.
«Nie zaŭsiody było lohka i prosta, i nie ŭsio, što my płanavali, ździejśniłasia.
Ale ŭsio-taki nam hety hod bolš zapomnicca padziejami, jakija pakinuli dobry śled u historyi, — ličyć Łukašenka. — My ščylna padyšli da paśpiachovaha vyrašeńnia demahrafičnaj prablemy. Upieršyniu paśla 1990 hoda zabiaśpiečany pryrost nasielnictva krainy. Dadzieny start supierinavacyjnamu prajektu — budaŭnictvu Biełaruskaj atamnaj elektrastancyi. Sabrany pieršy 450-tonny BiełAZ-hihant. My pabudavali bolš čym 5 młn kvadratnych mietraŭ žylla. Naš ekspart charčavańnia ŭpieršyniu pieravysiŭ 5 młrd dołaraŭ».
Na dumku aficyjnaha lidara, u 2013 h. «my stali bahaciejšyja i ŭ prostym čałaviečym ščaści: u Biełarusi adbyłosia na 10 tys. bolš viasiellaŭ i naradziłasia amal na 4 tys. bolš dziaciej, čym u 2012 hodzie».
«Ale, kaniešnie ž, zahadvajučy žadańni i budujučy płany, my pavinny razumieć: kali letaś my nie dabilisia čahości, značyć, sami nie vielmi staralisia i napružvalisia. Značyć, sami vinavatyja.
A ŭsie dobryja pieramieny adbuducca, tolki kali my ŭkładziem u ich svaju pracu i rozum. Zapatrabujecca prykłaści maksimum namahańniaŭ, kab nie razhubić dasiahnutaha, prasunucca napierad, raźličvajučy najpierš na ŭłasnyja siły i ŭnutranyja reziervy, jakija treba ŭmieła vykarystoŭvać», — padkreślivaje Łukašenka.
«Biełaruś nazyvajuć krainaj dobrych ludziej. Sprava honaru dla kožnaha z nas prajavić svaje dušeŭnyja jakaści ŭ nadychodziačym Hodzie haścinnaści», — zaklikaje jon.
«Śviet staić nie na słanach i kitach, jak dumali ŭ staražytnaści. I nie na hrošach, jak niekatoryja dumajuć ciapier. Jon ad vieku stajaŭ i trymajecca ciapier na lubovi i kłopacie. I navahodniaja noč — samy čas uspomnić ab hetym», — havorycca ŭ vinšavańni.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?20
Kamientary